Qoraqalpog‘istonda bog‘cha, maktab va tibbiyot muassasalari qurilishiga qo‘shimcha 5 trln so‘m ajratiladi. Shavkat Mirziyoyev Jo‘qorg‘i Kengesning navbatdan tashqari 34-sessiyasida shunday topshiriq berdi.
Bundan tashqari, Qoraqalpog‘istonda aholini ijtimoiy himoya qilish tizimini rivojlantirish yo‘nalishida:
- Ijtimoiy himoya reyestriga kirgan oilalarga ko‘mir, suyultirilgan gaz, oziq-ovqat va boshqa zarur ehtiyojlar uchun 600 ming so‘mdan bir martalik moddiy yordam ajratish;
- 15-sentabrdan boshlab Qoraqalpog‘iston uchun pensiya va nafaqa oluvchilar, nogironligi bo‘lgan shaxslarga temir yo‘l va avia chiptalar sotib olish uchun 50 foizlik imtiyozni tiklash;
- 2025-yilgacha qo‘shilgan qiymat solig‘i bo‘yicha rejadan oshirib bajarilgan tushumlar Qoraqalpog‘iston budjetida qoldirish bo‘yicha topshiriqlar berilgan.
“To‘g‘ri, bu amaliyotga chek qo‘yganmiz, va boshqa hududlarda bunday imkoniyat yo‘q. Lekin, Qoraqalpog‘iston aholisi murojaatlarini inobatga olib, istisno qilib berishga tayyorman. Faqat puxta ishlangan, adolatli va shaffof tizim asosida bo‘lishi kerak”, — degan prezident.
Izoh (0)