So‘nggi yillarda mamlakatimizda yoshlarning iqtidori, intellektual salohiyatini yuzaga chiqarish, ularning rivojlanishi, o‘z ustida ishlashi uchun kengroq imkoniyat yaratish bo‘yicha salmoqli ishlar amalga oshirilmoqda. Zero, yoshlar - kelajak bunyodkorlaridir.
Aynan shu maqsadda 25-26-avgust kunlari Jizzax viloyatida “Innoweek-2022” innovatsion g‘oyalar ko‘rgazmasi bo‘lib o‘tdi. Innovatsion rivojlanish vazirligi, Innovatsiyalar Milliy ofisi, Jizzax viloyati hokimligi ko‘magida tashkillashtirilgan mazkur ko‘rgazmada 31 ta tadbirkorlik subyekti, 4 ta oliy ta’lim muassasasi, 3 ta ilmiy tadqiqot muassasasi tomonidan 130 tadan ortiq innovatsion ishlanmalar, texnologiyalar va mahsulotlar namoyish etildi.
Shuningdek, ko‘rgazma doirasida viloyatdagi iqtidorli yoshlarni qamrab olib, ularning innovatsion loyihalarni rag‘batlantirishga qaratilgan Technoways texnologik rivojlanish marafoni o‘tkazildi. Mazkur marafonda jami 32 nafar iqtidorli yoshlar o‘zlarining innovatsion g‘oyalari va ishlanmalari bilan ishtirok etdilar.
“Innoweek-2022” innovatsion g‘oyalar ko‘rgazmasida faol ishtirok etgan yigit-qizlar joriy yilning oktyabr oyida Toshkent shahrida o‘tkaziladigan INNOWEEK-2022 Xalqaro innovatsion g‘oyalar haftaligiga yo‘llanmani qo‘lga kiritgani alohida e’tirofga loyiq.
Taqdirlash marosimida Jizzax viloyati Innovatsion rivojlanish hududiy boshqarmasi va Innovatsiyalar milliy ofisi vakillari ishtirokchilarga estalik sovg‘alarini topshirishdi.
“Innoweek-2022” innovatsion g‘oyalar ko‘rgazmasi doirasida o‘tkazilgan Technoways texnologik rivojlanish marafonining 3 nafar g‘olibi ham taqdirlandi. Marafon texnologik ishlanma va startaplari mavjud yoshlarga yo‘l-yo‘riq ko‘rsatish vazifasini o‘tasa, ko‘rgazma kelgusidagi loyihalarni amalga oshirishda rag‘bat bo‘lib xizmat qiladi.
Reklama huquqi asosida.
Izoh (0)