Сўнгги йилларда мамлакатимизда ёшларнинг иқтидори, интеллектуал салоҳиятини юзага чиқариш, уларнинг ривожланиши, ўз устида ишлаши учун кенгроқ имконият яратиш бўйича салмоқли ишлар амалга оширилмоқда. Зеро, ёшлар - келажак бунёдкорларидир.
Айнан шу мақсадда 25-26 август кунлари Жиззах вилоятида «Innoweek-2022» инновацион ғоялар кўргазмаси бўлиб ўтди. Инновацион ривожланиш вазирлиги, Инновациялар Миллий офиси, Жиззах вилояти ҳокимлиги кўмагида ташкиллаштирилган мазкур кўргазмада 31 та тадбиркорлик субъекти, 4 та олий таълим муассасаси, 3 та илмий тадқиқот муассасаси томонидан 130 тадан ортиқ инновацион ишланмалар, технологиялар ва маҳсулотлар намойиш этилди.
Шунингдек, кўргазма доирасида вилоятдаги иқтидорли ёшларни қамраб олиб, уларнинг инновацион лойиҳаларни рағбатлантиришга қаратилган Теchnoways технологик ривожланиш марафони ўтказилди. Мазкур марафонда жами 32 нафар иқтидорли ёшлар ўзларининг инновацион ғоялари ва ишланмалари билан иштирок этдилар.
«Innoweek-2022» инновацион ғоялар кўргазмасида фаол иштирок этган йигит-қизлар жорий йилнинг октябр ойида Тошкент шаҳрида ўтказиладиган INNOWEEK-2022 Халқаро инновацион ғоялар ҳафталигига йўлланмани қўлга киритгани алоҳида эътирофга лойиқ.
Тақдирлаш маросимида Жиззах вилояти Инновацион ривожланиш ҳудудий бошқармаси ва Инновациялар миллий офиси вакиллари иштирокчиларга эсталик совғаларини топширишди.
«Innoweek-2022» инновацион ғоялар кўргазмаси доирасида ўтказилган Теchnoways технологик ривожланиш марафонининг 3 нафар ғолиби ҳам тақдирланди. Марафон технологик ишланма ва стартаплари мавжуд ёшларга йўл-йўриқ кўрсатиш вазифасини ўтаса, кўргазма келгусидаги лойиҳаларни амалга оширишда рағбат бўлиб хизмат қилади.
Реклама ҳуқуқи асосида.
Изоҳ (0)