Kredit olish bo‘yicha 595 mingta arizaning 302 mingdan ortig‘i qaytarilgan. Bu haqda AOKAda o‘tkazilgan brifingda Markaziy bank departament mas’ul xodimi Feruz Ermatov ma’lum qildi.
Uning qayd etilishicha, bugungi kunda aholi va tadbirkorlik subyektlaridan kredit olish maqsadida kelib tushgan 595 mingdan ortiq yoki 18,1 trillion so‘m miqdoridagi arizalar hokim yordamchilari tomonidan o‘rganib chiqilib, arizalarning 57 foizi, ya’ni 302 mingdan ortig‘i yoki 10,4 trillion so‘mlik qismi qaytarilgan.
Ushbu arizalar dastlabki monitoringda faoliyat turi bo‘yicha shart-sharoitlari va imkoniyati yetarli emasligi, zarur ko‘nikmaga ega bo‘lmagani kabi sabablar bilan platforma orqali asoslantirilgan holda qaytarilgan.
Taqqoslash uchun, 2021-yil yanvar—iyul oylarida aholidan kelib tushgan arizalarning atigi 19 foizi sektor rahbarlari va MFY raislari tomonidan rad etilgan.
Izoh (0)