Farg‘ona tumanida qoramollarni sotib olib, pulini bermay ketgan shaxs ushlandi.
2022-yilning 21-iyun kuni M.D ismli fuqaro K.A.ning ishonchiga kirib, ikki bosh qoramolini 24 million so‘mga sotib olishga kelishib, pullarini bir oy muddat ichida berishini aytib, qoramollarni olib ketgan.
U aldab qo‘lga kiritgan chorva mollarini boshqa shaxsga sotib yuborib, pullarini o‘z ehtiyojlariga sarflab yuborgan.
Mazkur holat yuzasidan Farg‘ona tumani IIB huzuridagi tergov bo‘limi tomonidan Jinoyat kodeksining 168-moddasi 1-qismi bilan jinoyat ishi qo‘zg‘atilgan.
Izoh (0)