Qamchiq dovonida 20-avgust kuni odam o‘limi bilan yakunlangan yo‘l-transport hodisasi sodir bo‘ldi. Bu haqda Namangan viloyati Yo‘l harakati xavfsizligi boshqarmasi xabar qildi.
Qayd etilishicha, holat shu kuni soat 01:45 larda A-373 Toshkent—O‘sh avtomobil yo‘lining 223-kilometrida sodir bo‘lgan. Isuzu avtomobilini Vodiy—Toshkent yo‘nalishida haydab ketayotgan haydovchi rul boshqaruvini yo‘qotib, o‘zining oldida harakatlanib ketayotgan 2 ta Lacetti avtomashinalari bilan to‘qnashgan. So‘ng yo‘lni ikki qismga ajratib turuvchi beton to‘siqqa borib urilgan.
YTH oqibatida avtomashinalar texnik shikastlangan. Isuzu avtomobili haydovchisi va yo‘lovchisi esa og‘ir tan jarohati bilan voqea joyida vafot etgan.
Holat bo‘yicha Namangan viloyati IIB huzuridagi TB tomonidan Jinoyat kodeksining 266-moddasi (transport vositalari harakati yoki ulardan foydalanish xavfsizligi qoidalarini buzish) 3-qismi bilan jinoyat ishi qo‘zg‘atilgan. Hozirda tergov harakatlari olib borilmoqda.
Izoh (0)