Bugun,

  • USD 11014.01
  • RUB 191.8
  • EUR 10674.78

Markaziy bank 2022-yilning 1-avgust holatiga kredit axborotining davlat reestriga kiritilgan banklarning mijozlari va ularning kredit shartnomalari bo‘yicha ma’lumot taqdim etdi.

Foto: “Daryo” / Madina Nurman

Foto: “Daryo” / Madina Nurman

Unga ko‘ra, O‘zbekistonda umumiy kredit shartnomalari soni 3,6 milliontani tashkil qiladi. Bunda shartnomalarning 203 mingtasi kompaniyalar bilan, 3,4 milliontasi esa oddiy aholi bilan tuzilgan.

Ma’lum bo‘lishicha, 2017-yilning 1-yanvaridan boshlab mijozlar soni 4,5 barobarga, shartnomalar soni 4,6 barobarga ko‘paygan. 

Banklar tomonidan shartnomalarning eng ko‘pi mikroqarzlar bilan tuzilgan — 38 foiz.

Iste’mol maqsadlari uchun kreditlar 27 foiz bo‘lgan bo‘lsa, mikrokreditlar 26 foizni tashkil qilgan. 

Bundan tashqari ipoteka kreditlari uchun shartnomalar soni umumiy ko‘rsatkichning 9 foizini tashkil qilgan. 

Kreditlarning 57 foizi erkaklarga, 43 foizi ayollarga berilgan. Ular orasida eng ko‘p kredit shartnomalari 31-40 yosh orasidagi mijozlar bilan tuzilgan — erkaklarda 574 mingta, ayollarda 420 mingta. Eng kam kredit ayollarda ham erkaklarda ham 50 yoshdan oshgan aholiga berilgan.

Avvalroq O‘zbekistonda eng ko‘p kredit ajratgan banklar ro‘yxati e’lon qilingandi.

Izoh
Asosiy yangiliklar
Dunyo
Kreml Putin tug‘ilgan kunini qanday nishonlamoqchiligini ma’lum qildi
Sport
Superligada sentabr oyining eng yaxshi murabbiyi aniqlandi
Mahalliy
Farg‘onada 64 yoshli qaynota kelinini o‘ldirib, marhumaning boshini uzib oldi