Bugun,

  • USD 11095.31
  • RUB 173.84
  • EUR 10772.44

Toshkent aeroportida Buyuk Britaniya qalbaki pasportlari bo‘lgan 7 nafar Afg‘oniston fuqarosi qo‘lga olindi. Bu haqda IIV Transport va turizm obyektlarida xavfsizlikni ta’minlash departamenti matbuot xizmati xabar berdi.

Ma’lum qilinishicha, 5-avgust kuni Toshkent—London yo‘nalishi bo‘yicha parvoz qilmoqchi bo‘lgan yo‘lovchilarni pasport nazoratidan o‘tkazish chog‘ida ular Buyuk Britaniya fuqaroligi pasportini ko‘rsatgan.

Tekshiruv davomida aniqlanishicha, ular Tojikistonda bo‘lgan vaqtlarida Buyuk Britaniya fuqaroligi qalbaki pasportlarini noqonuniy ravishda qo‘lga kiritgan va bu pasportlar bilan O‘zbekiston orqali Londonga uchmoqchi bo‘lgan.

Qo‘lga olinganlarga nisbatan Jinoyat kodeksining 228-moddasi (hujjatlar, shtamplar, muhrlar, blankalar tayyorlash, ularni qalbakilashtirish, sotish yoki ulardan foydalanish) 2 va 3-qismlari “b” bandi, shuningdek, 223-moddasi 2-qismi “b” va “v” bandlari (bir guruh shahslar tomonidan oldindan til biriktirgan holda O‘zbekistondan chet elga noqonuniy chiqishga urinish) bilan 25-moddasi (jinoyatga tayyorgarlik ko‘rish va jinoyat sodir etishga suiqasd qilish) bilan jinoyat ishi qo‘zg‘atilgan.

Izoh
Asosiy yangiliklar
Mahalliy
Oʻzbekistonda turizm: kecha va bugun
Mahalliy
Sogʻliqni saqlash vaziri: Taʼlimda oʻzgarish qilmas ekanmiz, tibbiyot ham oʻzgarmaydi
Mahalliy
“Oila a’zolari tomonidan muntazam jinsiy zo‘ravonlikka uchrayotgan bolalar ham topiladi” — Bolalar ombudsmani