O‘zbekiston rekord miqdorda olxo‘ri eksport qilgani ma’lum bo‘ldi
Joriy mavsumda O‘zbekistonda olxo‘ri eksporti 10-maydan boshlangan bo‘lib, mavsum boshlanganidan buyon so‘nggi uch oy ichida 2017-yilning shu davriga nisbatan rekord miqdorda olxo‘ri eksport qilindi. Bu haqda EastFruit xabar berdi.
Bojxona qo‘mitasining dastlabki ma’lumotlariga ko‘ra, 11-maydan 10-avgustgacha bo‘lgan davrda O‘zbekiston 44 ming tonna yangi olxo‘ri eksport qilgan, bu o‘tgan yilning shu davriga nisbatan 2,6 barobar va qariyb 30 foizga ko‘pdir.
2021-yilda yangi olxo‘ri eksporti hajmi besh yil ichida eng past ko‘rsatkich bo‘ldi, bu past hosil va kuzatilgan sovuqning ikki to‘lqini tufayli ushbu mahsulot narxining yuqoriligi bilan bog‘liq.
Biroq bu eksportning pasayishiga yagona sabab emas edi. Eksport hajmlari dinamikasiga ko‘ra, 2019-yilni hisobga olmaganda, 2017—2021-yillarda barqaror pasayish tendensiyasi kuzatildi.
2022-yilgi mavsum boshidan boshlab ushbu mahsulotlar eksporti hajmi 2017, 2018, 2020 va 2021-yillardagi yillik eksport hajmidan kamida 44 foizga o‘sdi.
Olxo‘ri eksportining keskin o‘sishiga O‘zbekistonda joriy yilda mo‘l hosil va natijada ushbu mahsulotlar narxining pastligi sabab bo‘lmoqda.
EastFruit narxlari monitoringiga ko‘ra, 2022-yilning iyun—iyul oylarida yangi olxo‘rining ulgurji narxlari o‘tgan yilgi darajadan o‘rtacha 2 baravar past bo‘lgan.
2022-yil 5-avgust holatiga ko‘ra, ushbu mahsulotlarning o‘rtacha ulgurji narxlari 2021-yilning shu sanasiga nisbatan 4 barobar, 2019-yilning shu sanasiga nisbatan esa 2,5 baravar past bo‘lgan.
