CLICK biznes egalariga bir nechta usul orqali to‘lovlarni qabul qilish imkoniyatini beradi. Bundan tashqari, kompaniya hamkorlarga qulay xizmat ko‘rsatish shartlarini taklif etadi va uzluksiz texnik yordam ko‘rsatishni kafolatlaydi.
CLICK – O‘zbekistonda mobil to‘lovlar sohasida yetakchi kompaniyalardan biridir. Bugungi kunda 8 milliondan ortiq kishi CLICK xizmatlaridan foydalanib kelmoqda, 25 000 dan ziyod savdo nuqtalari kompaniya to‘lov tizimi orqali to‘lovlarni faol qabul qilmoqda. Kompaniya hamkorlari soni kundan-kunga oshib bormoqda. Buning sababi – CLICK biznes rivojlanishi uchun tezkor, ishonchli va asosiysi, xavfsiz to‘lov qabul qilish usuli bo‘lishi shartligini yaxshi tushunadi. Ishonchli to‘lov qabul qilish usullari bir nechta bo‘lsa, undan ham yaxshi.
CLICK hamkorlarga qanday to‘lov qabul qilish usullarini taklif etadi?
1 usul: Joylarda to‘lov
Bu yuqori darajada qulay va tezkor to‘lov qabul qilish usuli. To‘lovni amalga oshirish uchun xaridor muassasada o‘rnatilgan maxsus QR-kodni skanerlashi va kerakli mablag‘ miqdorini kiritishi lozim. Mazkur to‘lov yo‘lining afzalligi shundaki, undan foydalanish uchun internetga ulanish shart emas. U hatto internet tezligi juda past bo‘lgan joylarda ham bemalol ishlaydi.
2 usul: CLICK Pass
Bu usul orqali to‘lovni qabul qilish uchun CLICK Pass skaneri kerak bo‘ladi. Skaner biznes egalariga mutlaq bepul taqdim etiladi. Bundan tashqari, uskunani ulash, sozlash, xodimlarga foydalanishni o‘rgatish va xizmat qo‘rsatish ishlari CLICK mutaxassislari tomonidan amalga oshiriladi.
CLICK Pass orqali to‘lovni amalga oshirish uchun ilovaga kirish va asosiy sahifada CLICK Pass tugmasini bosish lozim. So‘ng, smartfonni skanerga yaqinlashtirib maxsus signalni kutish kerak. To‘lov jarayoni atigi bir necha soniyani tashkil etadi. To‘lov o‘ta tez bo‘lgani sababli, kassalarda deyarli navbat hosil bo‘lmaydi.
Bugungi kunda CLICK Pass orqali to‘lovlar bir nechta yirik supermarketlar tarmoqlarida va kiyim-kechak do‘konlarida ishga tushirilgan.
CLICK Pass orqali to‘lovlarni ham onlayn, ham oflayn ravishda amalga oshirish mumkin.
3 usul: Billing
Chuqur integratsiya xaridorga formadagi qo‘shimcha maydonlarni to‘ldirish imkonini beradi – shaxsiy hisob, kvitansiya raqami, shifokor familiyasi yoki biznes egasiga to‘lov haqida ko‘proq xabar beruvchi boshqa ma’lumotlar. Biznes egalari avtomatizatsiyalashtirish vositalari yordamida xaridor telefon raqamiga hisob chiqarishlari mumkin. Bu usul onlayn-biznes, masalan, marketpleyslar uchun a’lo darajada mos keladi. Ushbu servis yordamida saytlardagi buyurtmalar to‘lovlarini tez va osonlik bilan amalga oshirish mumkin.
CLICK tizimida to‘lovlarni Uzcard, Humo va CLICK-Hamyon orqali amalga oshirish imkoni mavjud. CLICK yordamida biznes egasi O‘zbekistonning har qismida onlayn yoki oflayn ravishda to‘lovlarni qabul qila oladi. Bundan tashqari, hamkorlarga barcha to‘lovlar haqida ma’lumot saqlanuvchi shaxsiy kabinet taqdim etiladi. Shaxsiy kabinetda mijoz tomonidan amalga oshirilgan to‘lovlarni bekor qilish imkoniyati mavjud. Biznes egasi har qanday to‘lovni mustaqil bekor qilishi va mablag‘ni mijozga qaytarishi mumkin.
CLICK o‘z hamkorlarini qadrlaydi va shu sababli to‘lovni qabul qilish imkoniyati bilan birga konsultativ xizmat ko‘rsatish, hamkorlar xodimlarini o‘rgatish va biznesni uzluksiz texnik qo‘llab-quvvatlash kabi xizmatlarni ko‘rsatadi.
CLICK bilan hamkorlikning navbatdagi afzalligi – bu qo‘shimcha reklama. Masalan, o‘zaro piar, hamkorlikda aksiyalar o‘tkazish va boshqa marketing faolliklar.
CLICK bilan hamkorlik qilar ekan, biznes egasi to‘lovlarni tez, ishonchli va xavfsiz qabul qilish va mijozlarga qulay bo‘lgan to‘lov usullarini taqdim etish imkoniyatiga ega bo‘ladi.
CLICK bilan hamkorlik shartlari haqida batafsilIjtimoiy tarmoqlardagi CLICK rasmiy sahifalari: Instagram | Facebook
Reklama huquqi asosida.
Izoh (0)