2021-yil dekabr oyida Toshkent shahri Bektemir tumanida joylashgan yangi Qo‘yliq dehqon bozori, ya’ni Food city’ning taqdimoti o‘tkazilgandi. Va nihoyat, zamon talablariga javob beradigan savdo markazi o‘z faoliyatini boshladi. Endilikda mazkur yirik agroklasterdan deyarli barcha turdagi mahsulotlarni ulgurji va chakana savdolarda, hamyonbop narxlarda sotib olish mumkin.
Joriy yilning 30-iyul kuni O‘zbekistondagi ilk yirik agroklaster–Food city majmuasining ochilish marosimi bo‘lib o‘tdi. Yangi, zamonaviy savdo majmuasida xaridorlar 28-avgustga qadar 50 foizgacha chegirma bilan oziq-ovqat mahsulotlari xarid qilishlari mumkin.
Food city rahbari Dilshod Samigov so‘zlariga ko‘ra, “Qo‘yliq” dehqon bozori bosqichma-bosqich Food City hududiga o‘tkaziladi. Bu bo‘yicha bozor ma’muriyatiga Bektemir tumani hokimligidan tegishli xabarnoma kelib tushgan.
30-iyul kuni bo‘lib o‘tgan ochilish marosimida yurtdoshlarimiz savdo majmuasining sharoitlari, narx-navosi bilan batafsil tanishishdi. Konsert shaklida o‘tgan ochilish marosimida, dastlab, oziq-ovqat mahsulotlari bilan to‘ldirilgan 5 ta “Oltin aravacha” yutuqli o‘yini o‘tkazildi.
O‘yinda g‘olib bo‘lgan 5 nafar yurtdoshimizning har biriga mana shu mahsulotlardan berilgach, barcha mehmonlar birin-ketin bozor rastalari tomon yo‘l oldi. Aytish lozim, u yerda yaratilgan sharoit, mahsulotlar sifati hamda narxlari ko‘pchilikka manzur keldi.
“Issiq havoda salqin joyda bozorlik qilish qulay. Food city’ning tozaligi, hamma mahsulotlari tartib bilan joylashtirilgani menga juda yoqdi”, – deydi xaridorlardan biri.
“Bir aylanib chiqishda ancha katta bozorlik qildik, uzum, tuxum oldik. Narxlari ko‘nglimizdagidek, hamma narsasi yoqdi. Bu safar o‘zimiz keldik, keyingisida farzandlarimizni yuboramiz”, – dedi yana bir yurtdoshimiz.
Food city majmuasi xalqimiz dasturxoniga sifatli va hamyonbop mahsulotlar yetkazib berish maqsadida maxsus savdo shoxobchalari tashkil qilgan. Bu shoxobchalarda oziq-ovqat mahsulotlarini belgilangan tartibda arzon narxlarda sotib olish mumkin. Mahsulot narxining bir qismi esa uni sotuvchi tadbirkorlarga majmua tomonidan qoplab beriladi.
Masalan, birgina yog‘ 20 ming so‘m bo‘lsa, uning 5 ming so‘mi Food city tomonidan tadbirkorga to‘lab beriladi. Xaridorlarga bu mahsulot 15 ming so‘mdan sotilmoqda.
Shuningdek, majmuada har kuni:
Kartoshka (gala navli, 1 kg) – 3000 so‘m;
Piyoz (1 kg) – 3500 so‘m;
Sabzi (1 kg) – 2500 so‘m;
Un (oliy navli) (1 kg) – 6500 so‘m;
Guruch (1 kg) – 8000 so‘mdan.
Har dushanba:
Pomidor (1 kg) – 1500 so‘m;
Bodring (1 kg) – 1500 so‘m.
Har seshanba:
Shakar (1 kg) – 12 000 so‘m:
Yog‘ (1 litr) – 17 000 so‘m.
Har chorshanba:
Banan (1 kg) – 13 000 so‘m:
Uzum (1 kg) – 4000-6000 so‘m;
Shaftoli (1 kg) – 7000 so‘mdan boshlab.
Har payshanba:
Tuxum (dona) – 650-950 so‘m;
Qaymoq (1 litr) – 33 000 so‘m;
Tvorog (1 kg) – 15 000 so‘m;
Smetana (1 litr) – 20 000 so‘m;
Qatiq (1 litr) – 4000 so‘m.
Har juma quritilgan mevalar:
Turshak (1 kg) – 40 000 so‘mdan boshlab;
Mayiz (1 kg) – 12 000 so‘mdan boshlab;
Pista (1 kg) – 120 000 so‘mdan boshlab.
Har shanba:
Go‘sht (1 kg) – 60 000 so‘m;
Tovuq go‘shti (1 kg) – 23 000 so‘m;
Kolbasa (ulgurji) – 19 000 so‘mdan boshlab.
Har yakshanba ko‘kat va ziravorlar:
Kashnich bog‘i (5 dona) – 8000-9000 so‘m;
Ukrop bog‘i (5 dona) – 5000 so‘m;
Ko‘k piyoz (1 dona) – 1200-1500 so‘m;
Salat bargi (1 dona) – 3500-5000 so‘m;
Petrushka bog‘i (5 dona) – 3000 so‘m.
Yangi majmuada faoliyat boshlagan sotuvchilar ham bozor sharoitlaridan mamnunliklarini aytdi.
“Ilgari eski Qo‘yliqda ishlaganman. U yer chang bo‘lardi, yog‘ingarchilikda turib bo‘lmas edi. Yozda issiq, qishda sovuqligidan kasal ham bo‘lib qolardik. Mana bu sharoitlar esa umuman boshqacha”, – deydi tadbirkorlardan biri.
“Joylashib olganimizga bir oy bo‘ldi. Ovqatlarimiz, ijaramiz, yo‘lkiralarimiz bepul. Shunchalik yordam qilishyapti, rahmat hammalariga. Boshida boshliqlari bilan gaplashgan edik, juda xushmuomala inson, barchamizning ko‘nglimizga qarab ish ko‘rdi. O‘sha odamga ham rahmat aytaman”, – deya o‘z minnatdorligini bildirdi yana bir savdogar.
Poytaxt mehmonlari bu yerdan qulay foydalanishlari uchun bepul avtobuslarning maxsus yo‘nalishli tarmog‘i ishga tushirildi. Endi siz bu yerga shaharning yettita joyidan: Qo‘yliq massivi (7-metro bekati), Tuzel 2, Vodnik, Kadysheva, Uchtepa, Sergeli, Chilonzor va Janubiy vokzaldan borishingiz mumkin. Kelgusida shaharning boshqa hududlaridan ham qo‘shimcha bepul avtobuslar qatnovini yo‘lga qo‘yish rejalashtirilgan.
Aytilishicha, majmuada ulgurji savdo bozori 24/7 rejimida, chakana savdo esa soat 7:00 dan 22:00 gacha ishlaydi.
Food city rahbari Dilshod Samigovning aytishicha, majmua hududi shaharga kirmagan holda vodiy, voha va Toshkent viloyatidan kelib-ketishga juda qulay.
“Majmua hududida transportlarning bemalol kirib-chiqishi uchun 12 qatorli yo‘laklar barpo qilingan. Bundan tashqari, 500 ta yuk hamda 4 mingdan ortiq yengil avtomobillarga mo‘jallangan avtoturargohlar ham qurilgan. Bozorning 2 500 ta savdo rastasi va pavilyonlarining ijarasi 3 oygacha bepul hisoblanadi. Ungacha esa tadbirkorlardan hatto kommunal to‘lovlari ham undirilmaydi. Toshkent shahar hokimiyati tomonidan chiqarilgan stavkalar bor. 3 oydan keyin mana shu stavkalardan oshirmagan holda, rastalar sotilayotgan mahsulotning turiga qarab, ijaraga berilgan joylarning narxlarini belgilaymiz. Chunki bizning ijara to‘lovini qimmat qilib, mahsulotlar narxini oshirish, tadbirkorlarni qiynash niyatimiz yo‘q. Sotuvchilar savdosini qilib olishi uchun narx-navoni minimal ushlab turamiz”, – deydi majmua rahbari.
Food city‘ni barpo qilish jarayoni ancha avval, 2018-yilda boshlangan edi. Hozirda Vazirlar Mahkamasining tegishli qarori asosida, eski Qo‘yliq dehqon bozorini mana shu savdo maskaniga bosqichma-bosqich ko‘chirish jarayoni ketmoqda. Kelgusida bu majmuani yanada kengaytirish, mahsulotlarni qayta ishlash tizimini yo‘lga qo‘yish maqsad qilingan.
Murojaat uchun telefon: (+998) 55–500–00–04.
E-mail: info@f-city.uz
Sayt: f-city.uz
Facebook: foodcitytashkent
Instagram: foodcityuz
Telegram: t.me/foodcityuz
Manzil: Food City
Reklama huquqi asosida
Izoh (0)