Bugun,

  • USD 11014.01
  • RUB 191.8
  • EUR 10674.78

Davlat bojxona qo‘mitasining “Toshkent-Aero” ixtisoslashtirilgan bojxona kompleksi xodimlari havo yo‘llari orqali tilla va zargarlik buyumlarining noqonuniy olib o‘tilishining oldini olishga qaratilgan tezkor chora-tadbirlarni muntazam davom ettirmoqda. Bu haqda qo‘mita axborot xizmati xabar qildi.

Foto: Davlat bojxona qo‘mitasi

Foto: Davlat bojxona qo‘mitasi

Jumladan, “Toshkent” xalqaro aeroportida Istanbul—Toshkent reysi bo‘yicha parvozini yakunlagan yo‘lovchilardan biri bojxonadan yashil yo‘lak orqali harakatlanar ekan, uning bezovtalanishi bojxona xodimlarining diqqatini tortgan. Shundan so‘ng unga tegishli qo‘l yuklari ko‘zdan kechirilganda, uning sumkasi ichida yo‘lovchi bojxona deklaratsiyasi va bojxona xodimlarining og‘zaki so‘rovida ma’lum qilinmagan zargarlik buyumlari yashirilgani fosh bo‘lgan.

Shuningdek, yo‘lovchi bolasini o‘tqazgan kolyaska cho‘ntagiga ham tilla taqinchoqlarni yashirgani aniqlangan. Ushbu shaxs bojxona nazoratiga taqdim qilmasdan turib, jami og‘irligi 1 kilogramm 198 grammni tashkil qiluvchi tilladan ishlangan zargarlik buyumlarini olib kirishga uringan vaqtda to‘xtatib qolingan.

Mazkur zargarlik buyumlarining umumiy qiymati esa salkam 590 million so‘mni tashkil qilgan.

Foto: Davlat bojxona qo‘mitasi

Foto: Davlat bojxona qo‘mitasi

Ta’kidlanishicha, respublika bojxonachilari tomonidan joriy yilning o‘tgan 7 oyi davomida aniqlangan 177 ta bojxona qonunbuzilishi holatlarida qiymati 24 milliard 663 million so‘mlik salkam 16 kilogramm og‘irlikdagi tilla va zargarlik buyumlarining noqonuniy olib o‘tilishiga chek qo‘yilgan. To‘xtatib qolingan zargarlik buyumlarining miqdori esa o‘tgan yilning shu davriga nisbatan 40 foizga oshgan.

Eslatib o‘tamiz, ayrim turdagi tovarlarni bojsiz olib kirishning cheklangan me’yorlariga ko‘ra, jismoniy shaxslar respublikamizga qimmatbaho metall va qimmatbaho toshlardan yasalgan zargarlik buyumlaridan – 65 grammgacha olib kirishlari mumkin.

Hozirda yuqoridagi holat yuzasidan bojxona organlari tomonidan tergovga qadar tekshiruv harakatlari olib borilmoqda.

Izoh
Asosiy yangiliklar
Dunyo
Afg‘onistonda urush boshlagan AQSH, dispetcher xatoligi sabab qulagan samolyot va Putinning tug‘ilgan kunida o‘ldirilgan faol jurnalist. Kun xronologiyasida 7-okta...
Dunyo
“Ham Moskva, ham Kiyev bilan faqat men ochiq muloqot qilyapman”. Erdo‘g‘on Putin bilan qo‘ng‘iroqlashish rejasini ma’lum qildi
Mahalliy
Surxondaryodagi bog‘chada 4 yoshli bola vafot etdi