«Жим Керри, сендан нафратланаман». Суратга олиш майдончасида муштлашишгача борган Голливуд юлдузлари (фото)

Севимли актёрларимиз битта саҳнада ўйнамаслик учун ҳамма нарсага тайёр бўлган энг машҳур ҳолатлар ҳақида маълумот берамиз.

Жим Керри ва Томми Ли Жонс

Керри «Абадий Бетмен» фильмида рол ўйнашга таклиф қилинганида карьерасининг энг юқори чўққисида эди. Унинг ҳамкасби Томми Ли Жонс машҳур комедиячининг ролига эътибор ҳам бермайди. Режиссёр Жоэл Шумахернинг айтишича, уларнининг ўртасига тушишдан жуда чарчаган.

Биргаликдаги саҳнани суратга олишдан олдин Керри ва Жонс ресторанда жанжаллашиб қолишган. Жим саломлашиш учун унинг ёнига келганида: «У ўрнидан турди, гандираклаб, мени қучоқлади ва шундай деди: «Мен сени ёмон кўраман. Сенга чиндан ҳам чидай олмайман». Табиийки, Керри бундай муносабатни кутмаган эди.

Жулиа Робертс ва Ник Нолт

1994 йилда актёрлар «Мен кўнгилсизликларни яхши кўраман» романтик комедиясида бирга рол ўйнашади. Улар бир-бири тил топишолмагани экранда ҳам сезилган. Айтишларича, воқеалар шу даражага етганки, режиссёр Чарльз Шер уларни бир-биридан ажратиб туриш учун ҳар бир саҳнани алоҳида суратга олган.

Робертснинг айтишича, Нолт «жирканч» ва «одамларни атайлаб ғазаблантиради». Ник ҳам худди шундай жавоб берган: «Унинг ўзи ҳам яхши эмас. Буни ҳамма билади».

Ва ниҳоят 2009 йилда актёрлар биргаликда ток-шоуда қатнашиб, Жулия Никни мафтун этганида жанжал унутилган.

Уилл Смит ва Жанет Хьюберт

«Беверли-ҳиллслик шаҳзода» фильми мухлислари билишадики, Вивиан хола ролини ижро этган актриса суратга олиш жараёнида алмаштирилган. Лекин нима учун?

Жанет Хуберт мазкур ролни 1993 йилгача ўйнайди, кейин Дафни Ридга топширади.

Маълум бўлишича, Смит ва унинг суратга олиш майдончасидаги ҳамкасблари актрисани доимо хафа қилишган: «Улар даҳшатли ишларни қилишарди. Уилл ва Алфонсо Рибейро эса ўзларини ёмон болалар каби тутишган», — деб шикоят қилади актриса.

Уилл Смит Атланта радиостанциясига берган интервьюсида унинг сўзларига жавоб бериб, Жанет доим унга ёмон муносабатда бўлганини айтади: «Мен нима қилсам ҳам унинг учун доим Дажжол эдим».

Бир неча йил ўтгач, Жанет бу воқеаларга қайтиб, шундай деган: «Биз ҳеч қачон ярашмаймиз ва мен ҳеч қачон Уилл Смит каби ёмон одам билан ишламайман. У фақат ўзини ўйлайди ва ҳеч қачон ўсмайди».

Шеннон Доэрти... ва ҳамма

«Беверли-Хиллз 90210» телесериалида Бренда Уолш ролини ижро этган актриса барча ҳамкасблари билан жанжаллашиб чиққан. У ҳатто Женни Гарт билан муштлашишига сал қолган. Тори Спеллинг 2015 йилда шоу продюсери бўлган отаси Аарондан Доэртини суратга олиш майдончасидан ҳайдаб юборишини сўраган.

Тўрт йил ўтгач, Шеннон ва Алисса Милано Спеллингнинг бошқа бир сериали —"Мафтункор"да жанжаллашишди. Алисса бу ҳақда шундай дейди: "Бу оғир кунлар эди ... Худди мактабдаги каби."

Тез орада улардан бири кетиши кераклиги маълум бўлди ва бу яна Доэрти эди. Улар фақат 2016 йилда Шеннонга кўкрак бези саратони ташхиси қўйилганидагина ярашган.

Ричард Гир ва Силвестр Сталлоне

Икки келишган эркак кўп йиллар давомида рақобатлашган. Ҳаммаси «Флетбуш лордлари» (1974) фильмидаги рол туфайли. Бош қаҳрамон Чико ролига аввалига Ричард Гир танланган. Сталлоне бу қарорга рози бўлмайди ва кейин рол Перри Кингга ўтади.

Силвестр Гирнинг суратга олиш майдончасида ўзини ёмон тутганини шундай эслади: «Бир куни бирга тушликка чиқдик ва бутерброд олдик. Кейин менинг машинамга ўтирдик. Мен Гирнинг қўлидаги фольгадан ханталли товуқ бўлаклари тушиб кетмоқчи бўлганини пайқадим ва унга эҳтиёт бўлишни айтдим – кир кийимга тоқат қилолмайман. У бир бўлак товуқ гўштини олиб, шимимга қўйди, бунга жавобан уни машинадан ҳайдаб солдим. Режиссёр иккимиздан биримизни танлаши керак эди. Ричард кетди ва ҳали ҳам мени ёқтирмайди».