Ijtimoiy tarmoqlarda Katta Andijon magistral boshqarmasi sobiq rahbari B.U. tomonidan yo‘l qo‘yilayotgan qonun buzilishi holatlari haqida xabar tarqaldi. Viloyat prokuraturasi holat yuzasidan jinoyat ishi qo‘zg‘atilganini ma’lum qildi.
Prokuratura xabarida aytilishicha, Katta Andijon magistral kanali boshqarmasi mansabdor shaxslari tomonidan juda ko‘p miqdordagi budjet mablag‘larini talon-toroj qilgani yuzasidan 13-iyul kuni Jinoyat kodeksining 167-moddasi 3-qismi “a” bandi (juda ko‘p miqdorda o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilib, hozirda tergov harakatlari olib borilmoqda.
Ijtimoiy tarmoqda tarqalgan, boshqarma sobiq rahbari B.U tomonidan yo‘l qo‘yilgan qonun buzilishi holatlari haqidagi ma’lumotlar jinoyat ishi doirasida tekshirilishi va qonuniy baho berilishi ta’minlanadi.
Tergov harakatlari viloyat prokuraturasi tomonidan nazoratga olingan.
Izoh (0)