Ижтимоий тармоқларда Катта Андижон магистрал бошқармаси собиқ раҳбари Б.У. томонидан йўл қўйилаётган қонун бузилиши ҳолатлари ҳақида хабар тарқалди. Вилоят прокуратураси ҳолат юзасидан жиноят иши қўзғатилганини маълум қилди.
Прокуратура хабарида айтилишича, Катта Андижон магистрал канали бошқармаси мансабдор шахслари томонидан жуда кўп миқдордаги бюджет маблағларини талон-торож қилгани юзасидан 13 июль куни Жиноят кодексининг 167-моддаси 3-қисми «а» банди (жуда кўп миқдорда ўзлаштириш ёки растрата йўли билан талон-торож қилиш) билан жиноят иши қўзғатилиб, ҳозирда тергов ҳаракатлари олиб борилмоқда.
Ижтимоий тармоқда тарқалган, бошқарма собиқ раҳбари Б.У томонидан йўл қўйилган қонун бузилиши ҳолатлари ҳақидаги маълумотлар жиноят иши доирасида текширилиши ва қонуний баҳо берилиши таъминланади.
Тергов ҳаракатлари вилоят прокуратураси томонидан назоратга олинган.
Изоҳ (0)