Bugun,

  • USD 11095.31
  • RUB 173.84
  • EUR 10772.44

Kosovo hukumati Serbiya bilan chegarada vaziyatning keskinlashuviga sabab bo‘lgan, qisman tan olingan respublika hududida serb hujjatlarining amal qilishini to‘xtatish to‘g‘risidagi qonun qabul qilinishini 1-sentabrgacha kechiktirish haqidagi qarorini e’lon qildi, deb yozadi “RBK”.

Kosovo bosh vaziri Albin Kurti

Kosovo bosh vaziri Albin Kurti
Foto: EPA

Iyul oxirida Kosovo hukumati 1-avgustdan boshlab uning nazorati ostidagi hududlarda serb hujjatlari amal qilishdan to‘xtashini e’lon qilgandi. Kosovoga tashrif buyurishni istagan serblarga mamlakatga kirishda 90 kun muddatga vaqtinchalik ma’lumotnoma beriladi. Bundan tashqari, Kosovoda serb raqamiga ega avtomobillarni RKS (Kosovo Respublikasi) raqamlari bilan majburiy qayta ro‘yxatga olish boshlanadi.

“Kosovo bosh vaziri Albin Kurti Amerika va yevropalik xalqaro sheriklar bilan uchrashuvlar o‘tkazdi. Chegaradagi vaziyat yuzasidan Kosovo hukumati ikkita qarorning ijro etilishini 2022-yil 29-iyundan 2022-yil 1-sentabrgacha qoldirish majburiyatini zimmasiga oladi, ungacha barcha barrikadalar olib tashlanadi va Kosovo shimolida harakatlanishga to‘liq erkinlik o‘rnatiladi”, — deyiladi Kosovo hukumati bayonotida.

Unda, shuningdek, AQSHning Kosovodagi elchisi Jefri Xoveniga vaziyatni tartibga solishga qo‘shgan “katta hissasi uchun” minnatdorlik bildirilgan.

31-iyul kuni kechqurun Prishtinaning serb hujjatlarini tan olmaslik haqidagi qarori fonida Kosovo shimolida vaziyat keskinlashdi, odamlar barrikadalar qura boshladi, o‘q ovozlari eshitildi. Shunda Serbiya prezidenti Aleksandr Vuchich Kosovo yarim tunga yaqin kosovolik serblarga qarshi operatsiya boshlamoqchiligini aytdi.

Vaziyat yomonlashuvi fonida Vuchich Serbiya Bosh shtabiga yetib keldi, Kosovo hukumati esa mamlakatning shimoliy tumanlarida politsiyani safarbar etdi.

Bosh shtabdagi yig‘ilish yakunlariga ko‘ra, Vuchich xalqaro hamjamiyatni Kosovo hukumatiga ta’sir o‘tkazishga chaqirdi va vaziyat tez orada hal bo‘lishiga umid bildirdi.

Ilgari Kosovo Serbiya tarkibidagi muxtor respublika bo‘lgan, ammo 2008-yilda o‘zini mustaqil deb e’lon qilgan. Uni Yevroittifoq mamlakatlarining aksariyati va BMTga a’zo davlatlarning yuzdan ortig‘i tan olgan. Rossiya, Xitoy, Eron, Serbiya va boshqa bir qator mamlakatlar Kosovoni alohida davlat sifatida tan olmagan.

Izoh
Asosiy yangiliklar
Dunyo
Turkiya va Suriyadagi zilzila nega halokatli oqibatlarga olib keldi?
Mahalliy
“Qardoshlarimizga hamdardmiz”. O‘zbek jamoatchiligi Turkiyadagi zilzilaga munosabat bildirdi
Mahalliy
Shavkat Mirziyoyev harbiy xizmatga navbatdagi chaqiruv bo‘yicha qarorni imzoladi