O‘zbekistonning katta agroklasteri o‘z ish faoliyatini 30—31-iyul kunlari, soat 9:00 dan quyidagi manzilda boshlaydi: Bektemir tumani, Mehnatobod ko‘chasi, 82.
60 gektar maydonni egallagan Food City yirik va chakana xaridlarni ulgurji narxlarda amalga oshirish mumkin bo‘lgan, 2 xil savdo obyektini o‘z ichiga oladi. Shuningdek, bu yerda muzlatuvchi, sovituvchi, quruq omborlar, mehmonxona, avtoturargoh, pavilyon va hatto mini shaharcha mavjud.
Aynan ochilish kunlarida (30—31-iyul) majmuada ba’zi yuqori talabga ega bo‘lgan mahsulotlarga shahar bo‘yicha arzon ulgurji narxlarni (“Qo‘yliq” dehqon bozorini ham hisobga olganda) qo‘yish rejalashtirilgan. Bu esa tashrif buyuruvchi mehmonlarni hayratda qoldirishi aniq. Masalan, 1 kilogramm “Gala” kartoshkasi 2 500 so‘m, 1 litr “Oleyna” o‘simlik yog‘i 15 000 so‘m, 1 kilogramm pomidor 1 500 so‘m va hokazo.
Ochilish kunida ertalabdan tashrif buyuruvchi mehmonlarga tekin muzqaymoq va suv, tushlikda esa shirin palov tarqatiladi. Shuningdek, shu kuni tashrif buyuruvchi mehmonlar jonli musiqa, shou-balet tomoshasi, bayram palovi va, albatta, yaxshi kayfiyatdan bahramand bo‘lishadi.
Ochilish marosimiga kelgan mehmonlarni marosimning kechki paytida muhim bir tadbir kutadi. Tadbir yakunida, 30-iyul soat 18:00 dan 20:00 gacha bayram konserti bo‘lib o‘tadi. Mazkur konsert davomida 5 ta mahsulotlar bilan to‘ldirilgan aravachalar “Oltin aravacha” yutuqli o‘yinida o‘ynaladi. Shuningdek, Food City’da innovatsion Cross docking tizimidan foydalaniladi.
Bu haqda Toshkent shahar Bektemir tumani hokimi Tapil Muhamadziyayev o‘z so‘zida shunday deydi: “Food City mamlakatimizda birinchi marta tovarlarni omborda saqlash bosqichini istisno qiluvchi logistika tizimini qo‘lladi. Bu shuni anglatadiki, siz mahsulotni ko‘p sonli omborxonalar va sotuvchilarni chetlab o‘tgan holda, to‘g‘ridan to‘g‘ri ishlab chiqaruvchidan sotib olasiz. Bu yerda turli xil mahsulot assortimentiga ega bo‘lgan beshta shunday kross doklar mavjud”.
Majmuaning O‘zbekiston va Markaziy Osiyo boshqa mamlakatlaridagi ko‘plab shu kabi obyektlardan farqi shundaki, uni yaratishda Yevropaning yirik shaharlari – Parij, Madrid va Moskvada faoliyat yuritayotgan qishloq xo‘jaligi markazlari tajribasi va amaliyotidan foydalanilgan.
“Mutaxassislarimiz uzoq vaqtdan buyon bir qator mamlakatlardagi rivojlangan xalqaro bozorlar tajribasini o‘rganib kelmoqda. Masalan, Rungis (Fransiya) va Mercasa (Ispaniya) ulgurji bozorlari tizimi. Ularning umumiy jihati, bu qulay joylashuv bo‘lib, tun-u kun ishlash bilan bir qatorda qulay joylashuvi tufayli tirbandliklar paydo bo‘lishiga yo‘l qo‘yilmaydi. Uning so‘zlariga qaraganda, markaz hududida import va eksport operatsiyalarini amalga oshirish uchun bojxona terminalini tashkil etish ham ko‘zda tutilgan”, — deya o‘rtoqlashdi Sarsenov Askat, Food City marketing bo‘limi boshlig‘i.
Xullas oxirgi, ammo ahamiyatli bo‘lgan yana bir jihat — bu majmuaning transport tizimi.
Food City’ga tez va qulay yetib borish maqsadida, Toshkentda “Qo‘yliq” metro bekatidan (7-bekat) Qo‘yliq, Tuzel-2, Vodnik, “Kadisheva”, Uchtepa, Sergeli, Chilonzor, Shimoliy vokzal, Boshliq—Food City yo‘nalishida bepul avtobuslar qatnovi yo‘lga qo‘yildi. Bundan tashqari, yaqin kelajakda poytaxtning boshqa yo‘nalishlaridan ham bepul avtobuslar qatnovini yo‘lga qo‘yish rejalashtirilgan.
Tantanali ochilish marosimi bozorning ichki tizimi kabi ulug‘vor bo‘lishni va’da qilmoqda. Ko‘pgina tadbirkorlar Food City’ning qulayligi va texnologik imkoniyatlariga baho berib bo‘lishdi. Farhod Mannopovning so‘zlariga ko‘ra, bozor juda qulay, ikkita kirish joyi bor – biri yengil, ikkinchisi yuk mashinalari uchun.
“Biz majmuaga tirbandliksiz yetib keldik, bu yerda katta avtoturargoh bor ekan. Bozordagi tartib va ozodalik a’lo darajada. Bu yerda mahsulot sifatiga alohida e’tibor qaratilgani menga yoqdi. Bozorda vakuumli saqlash texnologiyasiga ega maxsus muzlatkichlar mavjud bo‘lib, ularda oksidlanish sodir bo‘lmaydi, bakteriyalar rivojlanmaydi, ya’ni muzlatilgan oziq-ovqat uzoqroq saqlanishi mumkin”, — deya ta’kidladi Farhod Mannopov.
Batafsil ma’lumot uchun
Sayt — gaf-city.uz’ga tashrif buyuring.
Instagram’da yangiliklardan boxabar bo‘ling.
Telegram’ga a’zo bo‘ling.
Facebook’da do‘stlaringiz bilan bo‘lishing.
YouTube’da bizni kuzatib boring.
Reklama huquqi asosida.
Izoh (0)