Ўзбекистоннинг катта агрокластери ўз иш фаолиятини 30—31 июль кунлари, соат 9:00 дан қуйидаги манзилда бошлайди: Бектемир тумани, Меҳнатобод кўчаси, 82.
60 гектар майдонни эгаллаган Food City йирик ва чакана харидларни улгуржи нархларда амалга ошириш мумкин бўлган, 2 хил савдо объектини ўз ичига олади. Шунингдек, бу ерда музлатувчи, совитувчи, қуруқ омборлар, меҳмонхона, автотураргоҳ, павильон ва ҳатто мини шаҳарча мавжуд.
Айнан очилиш кунларида (30—31 июль) мажмуада баъзи юқори талабга эга бўлган маҳсулотларга шаҳар бўйича арзон улгуржи нархларни («Қўйлиқ» деҳқон бозорини ҳам ҳисобга олганда) қўйиш режалаштирилган. Бу эса ташриф буюрувчи меҳмонларни ҳайратда қолдириши аниқ. Масалан, 1 килограмм «Гала» картошкаси 2 500 сўм, 1 литр «Олейна» ўсимлик ёғи 15 000 сўм, 1 килограмм помидор 1 500 сўм ва ҳоказо.
Очилиш кунида эрталабдан ташриф буюрувчи меҳмонларга текин музқаймоқ ва сув, тушликда эса ширин палов тарқатилади. Шунингдек, шу куни ташриф буюрувчи меҳмонлар жонли мусиқа, шоу-балет томошаси, байрам палови ва, албатта, яхши кайфиятдан баҳраманд бўлишади.
Очилиш маросимига келган меҳмонларни маросимнинг кечки пайтида муҳим бир тадбир кутади. Тадбир якунида, 30 июль соат 18:00 дан 20:00 гача байрам концерти бўлиб ўтади. Мазкур концерт давомида 5 та маҳсулотлар билан тўлдирилган аравачалар «Олтин аравача» ютуқли ўйинида ўйналади. Шунингдек, Food City’да инновацион Cross docking тизимидан фойдаланилади.
Бу ҳақда Тошкент шаҳар Бектемир тумани ҳокими Тапил Муҳамадзияев ўз сўзида шундай дейди: «Food City мамлакатимизда биринчи марта товарларни омборда сақлаш босқичини истисно қилувчи логистика тизимини қўллади. Бу шуни англатадики, сиз маҳсулотни кўп сонли омборхоналар ва сотувчиларни четлаб ўтган ҳолда, тўғридан-тўғри ишлаб чиқарувчидан сотиб оласиз. Бу ерда турли хил маҳсулот ассортиментига эга бўлган бешта шундай кросс доклар мавжуд».
Мажмуанинг Ўзбекистон ва Марказий Осиё бошқа мамлакатларидаги кўплаб шу каби объектлардан фарқи шундаки, уни яратишда Европанинг йирик шаҳарлари – Париж, Мадрид ва Москвада фаолият юритаётган қишлоқ хўжалиги марказлари тажрибаси ва амалиётидан фойдаланилган.
«Мутахассисларимиз узоқ вақтдан буён бир қатор мамлакатлардаги ривожланган халқаро бозорлар тажрибасини ўрганиб келмоқда. Масалан, Rungis (Франция) ва Mercasa (Испания) улгуржи бозорлари тизими. Уларнинг умумий жиҳати, бу қулай жойлашув бўлиб, тун-у кун ишлаш билан бир қаторда қулай жойлашуви туфайли тирбандликлар пайдо бўлишига йўл қўйилмайди. Унинг сўзларига қараганда, марказ ҳудудида импорт ва экспорт операцияларини амалга ошириш учун божхона терминалини ташкил этиш ҳам кўзда тутилган», — дея ўртоқлашди Сарсенов Аскат, Food City маркетинг бўлими бошлиғи.
Хуллас охирги, аммо аҳамиятли бўлган яна бир жиҳат — бу мажмуанинг транспорт тизими.
Food City’га тез ва қулай етиб бориш мақсадида, Тошкентда «Қўйлиқ» метро бекатидан (7-бекат) Қўйлиқ, Тузел-2, Водник, «Кадишева», Учтепа, Сергели, Чилонзор, Шимолий вокзал, Бошлиқ—Food City йўналишида бепул автобуслар қатнови йўлга қўйилди. Бундан ташқари, яқин келажакда пойтахтнинг бошқа йўналишларидан ҳам бепул автобуслар қатновини йўлга қўйиш режалаштирилган.
Тантанали очилиш маросими бозорнинг ички тизими каби улуғвор бўлишни ваъда қилмоқда. Кўпгина тадбиркорлар Food City’нинг қулайлиги ва технологик имкониятларига баҳо бериб бўлишди. Фарҳод Манноповнинг сўзларига кўра, бозор жуда қулай, иккита кириш жойи бор – бири енгил, иккинчиси юк машиналари учун.
«Биз мажмуага тирбандликсиз етиб келдик, бу ерда катта автотураргоҳ бор экан. Бозордаги тартиб ва озодалик аъло даражада. Бу ерда маҳсулот сифатига алоҳида эътибор қаратилгани менга ёқди. Бозорда вакуумли сақлаш технологиясига эга махсус музлаткичлар мавжуд бўлиб, уларда оксидланиш содир бўлмайди, бактериялар ривожланмайди, яъни музлатилган озиқ-овқат узоқроқ сақланиши мумкин», — дея таъкидлади Фарҳод Маннопов.
Батафсил маълумот учун
Сайт — gaf-city.uz’га ташриф буюринг.
Instagram’да янгиликлардан бохабар бўлинг.
Telegram’га аъзо бўлинг.
Facebook’да дўстларингиз билан бўлишинг.
YouTube’да бизни кузатиб боринг.
Реклама ҳуқуқи асосида.
Изоҳ (0)