AKFA kompaniyasi tomonidan 110 million dollarlik mahsulot eksport qilinadi

2022-yilda AKFA kompaniyasi 110 million dollarlik mahsulotini eksport qiladi, bu 2021-yilga nisbatan (55 million dollar) ikki baravar ko‘pdir.

Bu xalqaro qurilish bozorining o‘sishi va COVID-19 kasalligi ta’siridan keyingi global iqtisodiyotning tiklanishi bilan bog‘liq. Savdo uchun yangi bozorlar ochildi, bu esa qurilish materiallari, industrial qismlari va transport sektori mahsulotlariga katta talabni keltirib chiqardi.

Bugungi kunda AKFA kompaniyasi o‘z mahsulotlarini dunyoning 22 davlatiga eksport qilmoqda. Kompaniya MDH bozorida ekstruziya (alyuminiy va plastmassa) va bosim ostidagi tayyorlanadigan quyma mahsulotlar sohasida yirik ishlab chiqaruvchilar va eksportchilardan biri hisoblanadi.

Korxona alyuminiy va plastmassa profillardan tashqari, oyna va eshik aksessuarlari, isitish radiatorlarini ham eksport qiladi. AKFA kompaniyasi har yili eksport geografiyasini oshirib bormoqda. 2022-yilda AQSh, Germaniya, Italiya, Fransiya, Finlyandiya, Polsha, Kanada, Niderlandiya, Avstriya, Chexiya hamda MDH davlatlariga mahsulot yetkazib berish bo‘yicha yangi shartnomalar imzolandi. Bu korxonaning tashqi bozordagi o‘rnini mustahkamlash imkonini berdi.

Korxonaning asosiy eksport mahsulotlari — alyuminiy va PVX profillar hisoblanadi. Bugungi kunda dunyoda alyuminiy profilga talab ortib borayotganligi sababli ushbu mahsulot tanqisligi mavjud. Shu munosabat bilan AKFA kompaniyasi eksport qiluvchi mijozlarga xizmat ko‘rsatishni yanada yaxshilash, ya’ni yetkazib berish muddatlarini qisqartirish, mahsulot sifatini ham, logistikani ham yaxshilash ustida ishlar olib bormoqda. Bu esa o‘z navbatida korxona eksport geografiyasini oshirish bilan birga, yuqori qo‘shimcha qiymatga ega mahsulotlar yetkazib berish bo‘yicha ham ish olib borishiga sabab bo‘lmoqda.

Mazkur holat korxonada murakkab ekstruziya (alyumin va plastik) profillari va ehtiyot qismlarini ishlab chiqarish kengayganidan dalolat beradi, bu esa korxonaga sanoatning transport sohasi uchun mahsulotlar ishlab chiqarish imkonini berdi.

Kompaniya o‘z mahsulotlarini allaqachon Citroen, Fiat, Gardens kabi kompaniyalarga yetkazib bermoqda.

Reklama huquqi asosida.