2004-yil 9-iyulda quduqlarni o‘zlashtirish va qurish, tabiiy gaz qazib olish, tozalash va qaytadan ishlab, tovar ko‘rinishiga olib kelgunga qadar faoliyat olib boruvchi LUKOIL loyihalarining operatori — LUKOIL Uzbekistan Operating Company MChJ tashkil etildi.
2004-yilning iyun oyida O‘zbekiston hukumati bilan “Qandim” konlari guruhi uchastkasi, Xauzak va Shodi uchastkalari bo‘yicha mahsulot taqsimotiga oid bitimning imzolanishi, O‘zbekiston Respublikasi va LUKOIL kompaniyasi o‘rtasidagi o‘zaro manfaatli hamkorlikning boshlang‘ich nuqtasi bo‘ldi. Shartnoma imzolanganidan keyin, bir oydan so‘ng LUKOIL Uzbekistan Operating Company operatsion kompaniyasi tashkil etildi.
LUKOIL kompaniyasi mamlakatdagi yirik investor hisoblanib, yuqori texnologiyali tabiiy gaz qazib olish va qayta ishlash obyektlarini qurish sohasida loyihalarni muvaffaqiyatli amalga oshirmoqda. Bugungi kunga kelib, LUKOIL kompaniyasining umumiy investitsiyalar hajmi qariyb 8 milliard dollarni tashkil etadi.
Joriy yilda LUKOIL kompaniyasi va O‘zbekiston Respublikasi o‘rtasidagi hamkorlikning 18 yilligi nishonlanadi. Tarixiy miqyosda olib qaraganda, bu qisqa vaqt ichida LUKOIL kompaniyasi faxrlanadigan narsalar bor — “Hisor” va “Xauzak” guruhi konlarini o‘zlashtirish ishlari yakunlandi, o‘z loyihasi va texnologik jihozlanishi bo‘yicha noyob hisoblanuvchi Qandim gazni qayta ishlash kompleksi foydalanishga topshirildi, O‘zbekistonda uglevodorod resurslarini ishlab chiqarish va ulardan foydalanishning samaradorligi oshirildi, yangi yirik ishlab chiqarish korxonalari tashkil etildi, quyidagi loyihalar amalga oshirilmoqda.
Xauzak—Shodi
Loyihaning birinchi ishga tushirilgan joyi — Buxoro viloyatidagi “Xauzak—Shodi” gaz konida burg‘ilash ishlari 2006-yilning yozida boshlangan. Kon 1967-yilda ochilgan, biroq tarkibida oltingugurt miqdori yuqori bo‘lgan gazni qazib olish va qayta ishlash uchun mablag‘ yo‘qligi, shuningdek, og‘ir o‘zlashtirish sharoitlari tufayli uchastkalar to‘xtatib qo‘yilgan. 2008-yilda bu yerda gaz qazib olishning loyihaviy darajasiga erishildi — yiliga 3 milliard kub metr gaz qazib chiqarildi, bu esa “Ilk gaz — Xauzak” loyihasi amalga oshirilganligini anglatadi.
2011-yil noyabr oyida birinchi gaz ishlab chiqarish kompleksi ishga tushirildi va G‘arbiy Shodi uchastkasida gaz qazib chiqarish ishlari boshlandi. Gaz qazib olish hajmi yiliga 4 milliard kub metrgacha oshdi. 2014-yil oxirida Xauzak uchastkasida O‘zbekistonda ilk bor o‘rnatilgan siqib chiqariluvchi kompressor stansiyasining ishga tushirilishi LUKOIL kompaniyasining ishlab chiqarish faoliyatidagi muhim voqea bo‘ldi, bu esa konda gaz qazib olish darajasini 20 foizgacha oshirishga imkon beradi.
2015-yilning may oyida “Quvachi—Olot” koni va “Dengizko‘l” konining Shimoliy Shodi uchastkasida umumiy quvvati yiliga 2,2 milliard kub metr gazni qayta ishlashga mo‘ljallangan, gazni oldindan tayyorlash qurilmasi (GOTQ) ishga tushirildi, bu esa Muborak gazni qayta ishlash zavodining ishlab chiqarish quvvatlarini to‘liqroq yuklashni amalga oshirish imkonini beradi.
Hisor
Bir vaqtning o‘zida Qashqadaryo viloyatida ham bu boradagi ishlar izchil davom ettirildi. 2009-yilning aprel oyida Janubi-g‘arbiy Hisor va Ustyurt mintaqasi hududlarida Hisor konlari guruhini o‘zlashtirish bo‘yicha keng ko‘lamli ishlar boshlandi. 2011-yilning dekabr oyida “Jarquduq—Yangi Qizilcha” konida ilk gaz qazib olindi. 2012-yilda konda gaz qazib olish hajmi loyiha darajasiga yetdi — yiliga 1,1 milliard kub metr gaz qazib olindi.
2017-yilning sentabr oyida quvvati yiliga 4,4 milliard kub metr bo‘lgan gazni kompleks tayyorlash qurilmasi, shuningdek, 6 ta gaz yig‘ish punktlari foydalanishga topshirildi. Ushbu obyektlarning ishga tushirilishi Hisorda gaz qazib olishni loyiha darajasiga olib chiqish imkonini berdi.
Qandim gazni qayta ishlash kompleksi
Markaziy Osiyodagi yirik gaz sanoati obyektlaridan biri — bu LUKOIL kompaniyasi tomonidan Qorako‘l tumanining olis cho‘l hududida barpo etilgan, zamonaviy muhandislik va transport infratuzilmasiga ega bo‘lgan Qandim gazni qayta ishlash kompleksi alohida e’tiborga loyiq.
Yiliga 8,1 milliard kub metr gaz ishlab chiqarish quvvatiga ega bo‘lgan keng ko‘lamli yirik kompleks rekord darajada qisqa muddatlarda — 2 yil ichida qurib bitkazildi va 2018-yilning 19-aprelida foydalanishga topshirildi. O‘z ko‘lami va ahamiyati jihatidan bunday ulkan loyihani amalga oshirish uchun LUKOIL kompaniyasi tomonidan O‘zbekistonda birinchi marta jahonga mashhur kompaniyalarning innovatsion texnologiyalari qo‘llanildi. O‘zbekistonda birinchi marta gazni qayta ishlash komplekslariga 3 ta litsenziyalash jarayoni joriy qilindi: OASE™ amin erituvchisi yordamida kislotali komponentlarni yo‘q qilishning texnologik jarayoni, SELEXOL™ regeneratsiya — tiklashda gazlarni tozalash va SUPERCLAUS® oltingugurtini olishning texnologik jarayonlari. Gazni qayta ishlash kompleksini qurish va “Qandim” konlari guruhini o‘zlashtirishga yo‘naltirilgan investitsiyalarning umumiy hajmi 3,5 milliard dollardan ortiqni tashkil etadi.
Qandim gazni qayta ishlash kompleksining ishga tushirilishi viloyat infratuzilmasini rivojlantirishga katta turtki berdi va yangi ish o‘rinlarini yaratish, yoshlarni zamonaviy ishlab chiqarishga jalb qilish imkonini berdi.
LUKOIL Uzbekistan Operating Company MChJ uchun muhim voqea — o‘tgan yili jami qazib olingan tabiiy gaz ko‘rsatkichlari 100 milliard kub metrga yetganligi hisoblanadi. Bu ko‘rsatkich O‘zbekistonda LUKOIL kompaniyasining loyihalari muvaffaqiyatli amalga oshirilayotganidan darak beradi.
LUKOIL kompaniyasining O‘zbekiston neft-gaz sohasini rivojlantirishdagi xizmatlari O‘zbekiston Respublikasining oliy davlat mukofoti bilan taqdirlandi. O‘zbekiston Respublikasi Prezidenti Shavkat Mirziyoyev 2018-yilning 31-avgustida LUKOIL Prezidenti Vagit Alekperovni O‘zbekistonda neft-gaz kompleksini rivojlantirish va uglevodorod resurslaridan foydalanish samaradorligini oshirishga qo‘shgan ulkan hissasi uchun davlat mukofoti — “Do‘stlik” ordeni bilan taqdirladi.
18 yillik davr mobaynida LUKOIL kompaniyasi obyektlari joylashgan hududlardagi ijtimoiy masalalarni hal etishga o‘z hissasini qo‘shib kelmoqda: yangi ish o‘rinlari yaratilmoqda, infratuzilma rivojlanmoqda, bir qator ijtimoiy obyektlar barpo etildi, ta’lim va sog‘liqni saqlashni qo‘llab-quvvatlash bo‘yicha umumiy qiymati 25 million dollardan ortiq xayriya loyihalari amalga oshirildi. LUKOIL kompaniyasi loyihalari tufayli respublikada 2600 dan ortiq kishi ish bilan ta’minlandi.
Bu yil LUKOIL Uzbekistan Operating Company MChJ tashkil topgan kuni musulmonlarning ulug‘ Qurbon hayiti ayyomi bilan bir kunga to‘g‘ri keldi. Sizlarni muqaddas Qurbon hayiti bayrami bilan chin qalbimizdan tabriklaymiz. Butun O‘zbekiston xalqiga tinchlik, ezgulik va farovonlik tilaymiz.
Reklama huquqi asosida.
Izoh (0)