Bi1 xususiy savdo belgilari ostida ishlab chiqarilayotgan mahsulotlarning eksportini boshladi. Eksport uchun birinchi manzil sifatida Tojikiston tanlandi. Xususiy savdo belgisi ostida ishlab chiqarilgan mahsulotlar Auchan va bi1 do‘konlarida sotiladi.
Bugungi kunda mashhur Schiever kompaniyasi dunyoning to‘rtta mamlakatida (Fransiya, Polsha, Tojikiston, O‘zbekiston) faoliyat olib bormoqda. O‘zbekistonda kompaniya o‘z faoliyatini 2021-yilda bi1 brendi ostida boshlagan. Bugungi kunga qadar Toshkent shahrida kompaniyaning 8 ta do‘koni ochilgan. Tarmoq do‘konlarida mahsulotlarning keng assortimentini uchratishingiz mumkin.
Do‘konlar tarmog‘ining alohida xususiyatlaridan biri sifatida O‘zbekiston uchun maxsus yaratilgan, xususiy savdo belgilari ostida ishlab chiqarilgan mahsulotlarni ko‘rsatib o‘tishimiz mumkin. Bugungi kunda bi1 do‘konlarida ushbu savdo belgilari ostida ishlab chiqarilgan 900 ga yaqin tovarlarni topishingiz mumkin. Do‘kon peshtaxtalaridagi mahsulotlarning barchasi 3 bosqichli sifat nazoratidan o‘tadi (degustatsiya, laboratoriya sinovlari va ishlab chiqarish auditlari).
Kompaniya turli toifadagi mahsulotlarni ishlab chiqarish uchun mahalliy korxonalarni jalb qiladi, xususiy savdo belgilari ostida mahsulot ishlab chiqarish jarayonini yo‘lga qo‘yishga ko‘maklashadi va har bir mahsulot sifatini doimiy ravishda tekshirib boradi. Bi1 do‘konlar tarmog‘ida xususiy savdo belgilarini yaratish va rivojlantirish bilan Rossiyadagi Auchan tarmog‘ining mahsulotlarni xarid qilish bo‘limi rahbari sifatida 9 yillik tajribaga ega Olga Kondrateva shug‘ullanadi.
Mahalliy ishlab chiqaruvchilarni rivojlantirish bilan bir qatorda, mahsulotlarni eksport qilish borasida ham ishlar olib borilayotgani ham e’tiborga loyiq. Bu kompaniya rivoji hamda O‘zbekistonning eksport salohiyatini oshirishda katta qadam.
Ta’kidlab o‘tish lozimki, O‘zbekistonda chakana savdo tarixida ilk marotaba xususiy savdo belgilari ostida ishlab chiqarilgan mahsulotlarning bunday yirik eksporti amalga oshirildi. Tojikistonga bir vaqtning o‘zida 340 nomdagi 90 ming dona mahsulot jo‘natildi. Eksportga yuborilgan barcha mahsulotlar 60 dan ortiq mahalliy korxona tomonidan ishlab chiqarilgan. O‘zbekistonning ko‘plab ishlab chiqaruvchilari orasidan eng yaxshilari tanlab olindi.
“O‘zbekistonda xususiy savdo belgilari ostida ishlab chiqarilgan mahsulotlar sifati, narxi va shu kabi jihatlari bilan oz muddat ichida mahalliy aholining mehrini qozona oldi. Shu sababli biz mahsulotlarni eksportga chiqarishni maqsad qildik. Bugungi kunda jamoamizning samarali mehnati natijasida ushbu maqsadimizga erishdik. Endi o‘zbekistonlik tadbirkorlar tomonidan ishlab chiqarilgan mahsulotlar Tojikistondagi do‘kon va supermarketlarning peshtaxtalarini bezaydi. O‘ylaymanki, kelajakda biz O‘zbekistonda ishlab chiqarilgan mahsulotlarni boshqa mamlakatlarga ham ekport qila olamiz, chunki O‘zbekistonda bu uchun barcha imkoniyatlar mavjud”, — deb fikr bildirdi Schiever kompaniyasi prezidenti Vensan Pik.
O‘zbekistonda ishlab chiqarilgan 10 ta xususiy savdo belgisi ostidagi mahsulotlar Tojikistondagi bi1 va Auchan do‘konlarida sotiladi. Eksport qilinayotgan mahsulotlarga muvofiqlik sertifikati olingan. Har bir mahsulotning yorlig‘ida o‘zbek, rus va tojik tillarida ma’lumotlar ko‘rsatilgan. Keyingi yetkazib berishda esa barra mahsulotlar va riteyl sohasi uchun zarur bo‘lgan uskunalarni ham yuborish rejalashtirilgan.
Yaqin kelajakda xususiy savdo belgilari ostida doimiy ravishda yangi mahsulotlar chiqarilayotgani va mahsulotlarning umumiy ro‘yxati 1 000 nomga yetishini hisobga olib, eksport yo‘nalishini rivojlantirish rejalashtirilgan. Kompaniya vakillarining ta’kidlashicha, kelajakda eksport uchun mahsulotlarni ishlab chiqarishda bi1 bilan hamkorlikni yo‘lga qo‘ygan mahalliy ishlab chiqaruvchilarning barchasi ishtirok etadi.
Kompaniya faoliyatining ushbu yo‘nalishi O‘zbekiston va Tojikiston o‘rtasidagi hamkorlik aloqalarini mustahkamlashga qaratilgan bo‘lib, mahalliy ishlab chiqaruvchilarga xalqaro bozorga chiqish, ishlab chiqarish imkoniyatlarini kengaytirish va O‘zbekiston tovarlarini boshqa mamlakatlardagi xaridorlarga tanishtirish imkonini beradi.
Bi1 do‘konlarining manzillarini bilan tanishish uchun havoladan foydalaning: t.me/bi1_locations.
Call-markazining telefon raqami: +99878 120 02 20
Facebook: fb.com/bi1.uz
Instagram: bi1.uz
Reklama huquqi asosida.
Izoh (0)