AQSH Statistika byurosi ma’lumotlariga ko‘ra (.pdf), may oyida AQSHdan Rossiyaga tovarlar eksporti aprel oyiga nisbatan 13 foizdan ko‘proqqa qisqarib, 77,4 mln dollarni tashkil etdi.
Rossiya tovarlarining AQSHga importi ham kamayib, 1,1 mlrd dollarni tashkil etdi. AQSH va Rossiya o‘rtasidagi tashqi savdo operatsiyalarining salbiy saldosi may oyida 1 mlrd dollarga, yil boshidan esa 9,3 mlrd dollarga yetdi.
Rossiyaga savdo yetkazib berishdagi eng keskin pasayish bahorda qayd etildi, o‘shanda AQSH eksporti fevraldagi 498 mln dollardan mart oyida 101 mln dollargacha pasaygan.
Bu Rossiya tomonidan 24-fevralda Ukrainada boshlangan harbiy operatsiyaga javoban joriy qilingan sanksiyalar fonida yuz berdi.
AQSH Savdo vaziri Jina Raimondo may oyida sanksiyalar joriy etilganidan keyin Rossiyaga Amerika tovarlari eksporti 90 foizdan ko‘proqqa qisqarganini aytdi.
AQSH Savdo vazirligi ma’lumotlariga ko‘ra, Rossiyaga global yarimo‘tkazgichlar eksporti ham deyarli 90 foizga kamaydi.
Avvalroq yana bir Yevropa davlati Rossiya gazidan butunlay voz kechgan edi.
Izoh (0)