АҚШ Статистика бюроси маълумотларига кўра (.pdf), май ойида АҚШдан Россияга товарлар экспорти апрель ойига нисбатан 13 фоиздан кўпроққа қисқариб, 77,4 млн долларни ташкил этди.
Россия товарларининг АҚШга импорти ҳам камайиб, 1,1 млрд долларни ташкил этди. АҚШ ва Россия ўртасидаги ташқи савдо операцияларининг салбий салдоси май ойида 1 млрд долларга, йил бошидан эса 9,3 млрд долларга етди.
Россияга савдо етказиб беришдаги энг кескин пасайиш баҳорда қайд этилди, ўшанда АҚШ экспорти февралдаги 498 млн доллардан март ойида 101 млн долларгача пасайган.
Бу Россия томонидан 24 февралда Украинада бошланган ҳарбий операцияга жавобан жорий қилинган санкциялар фонида юз берди.
АҚШ Савдо вазири Жина Раимондо май ойида санкциялар жорий этилганидан кейин Россияга Америка товарлари экспорти 90 фоиздан кўпроққа қисқарганини айтди.
АҚШ Савдо вазирлиги маълумотларига кўра, Россияга глобал яримўтказгичлар экспорти ҳам деярли 90 фоизга камайди.
Аввалроқ яна бир Европа давлати Россия газидан бутунлай воз кечган эди.
Изоҳ (0)