O‘zbekiston tijorat banklarida dollar kursi uch oydan beri birinchi marta 11 ming so‘mdan pastladi

O‘zbekistondagi bir nechta tijorat banklari 21-iyun, seshanba kuni dollar valyutasining so‘mga nisbatan kursini yana tushirdi.

Aksariyat banklar 1 AQSH dollarini 10 920 so‘mdan sotib olishni, 10 985 so‘mga sotishni taklif qilmoqda. Tijorat banklarida dollar kursi birinchi marta 11-mart kuni 11 ming so‘mdan oshib ketgandi. Markaziy bank xorijiy valyutalarning o‘zbek so‘miga nisbatan 21-iyundan amalda bo‘ladigan qiymatini belgilagan. Unga ko‘ra, dollarning rasmiy kursi 21,91 so‘mga pastlab,  10 928,12 so‘mni tashkil qilmoqda.

Quyida dollarning yangi qiymatini e’lon qilgan ayrim banklar keltirilgan:

• NBU: sotib olish — 10 920 so‘m, sotish — 10 985 so‘m;
• “Hamkorbank”: sotib olish — 10 920 so‘m, sotish — 10 985 so‘m;
• “Davrbank”: sotib olish — 10 960 so‘m, sotish — 10 985 so‘m;
• “Turonbank”: sotib olish — 10 910 so‘m, sotish — 10 985 so‘m;
• “Tengebank”: sotib olish — 10 920 so‘m, sotish — 10 980 so‘m;
• “Kapitalbank”: sotib olish — 10 940 so‘m, sotish — 10 980 so‘m.