Bugun,

  • USD 11014.01
  • RUB 191.8
  • EUR 10674.78

Konstitutsiyaviy islohotlar xalqaro hamjamiyatni qiziqtirmoqda. Bu haqda Oliy Majlis palatalari kengashlarining navbatdagi qo‘shma majlisida Konstitutsiyaviy komissiya raisi Akmal Saidov ma’lum qildi.

Foto: Globe News

Foto: Globe News
“Men xorijdagi ko‘zga ko‘ringan arboblardan ikkitasining fikrini aytmoqchi edim. Birinchisi, Yevropada xavfsizlik va hamkorlik tashkilotining amaldagi raisi, Polsha tashqi ishlar vaziri Zbignev Rau O‘zbekistondagi konstitutsiyaviy islohotlar o‘z vaqtida o‘tkazilayotganini, bu borada mamlakatni qo‘llab-quvvatlashga tayyorligini ta’kidladi.

Yevropada xavfsizlik va hamkorlik tashkiloti Demokratik institutlar va inson huquqlari bo‘yicha byurosi uzoq muddatli missiyasi rahbari Ouen Myorfi bilan Oliy Majlis Qonunchilik palatasida uchrashuv bo‘ldi. Muloqot davomida xorijiy delegatsiya a’zolari O‘zbekistonda amalga oshirilayotgan konstitutsiyaviy islohotlar tashabbusini qo‘llab-quvvatlashini bildirishdi”, — deydi Akmal Saidov.

Uning so‘zlariga ko‘ra, YXHT Demokratik institutlar va inson huquqlari byurosi ikkita taklifni ilgari surmoqda.

Birinchisi, prezidentlik yoki deputatlikka nomzodlarni ko‘rsatishda qo‘yilgan talablar — respublika hududida muayyan muddat yashagani hamda til bilishiga oid talablarni olib tashlash (bu cheklov ekani aytilmoqda).

Ikkinchisi, muomala layoqati cheklanganlarga, ya’ni aqli norasolarga ham saylash huquqini berish.

“Biz keyingi muhokamalarimizda bu takliflarga ham e’tibor bersak, juda yaxshi bo‘lardi”, — deydi Konstitutsiyaviy komissiya raisi.

Avvalroq Akmal Saidov aholining jabrlangan toifasi o‘lim jazosini tiklash tarafdori ekanini aytib, konstitutsiyaning 24-moddasiga “O‘zbekistonda o‘lim jazosi taqiqlanadi”, degan jumlani qo‘shish taklifini bildirgandi.

Izoh
Asosiy yangiliklar
Sport
YCHL. “Bavariya” o‘z maydonida raqibini tor-mor etdi, “Marsel” 5 ta gol urilgan o‘yinda “Sporting” ustidan yirik hisobda g‘alaba qozondi
Mahalliy
“Daryo” kundaligida 4-oktabrda sodir bo‘lgan eng muhim voqealar
Dunyo
Belgorod shahri osmonida noma’lum uchqun paydo bo‘ldi (video)