O‘zbekistonda kovidga chalinish holatlari yana ortmoqda

O‘zbekistonda 16-iyun kuni 59 kishida koronavirus qayd etilib, mamlakatda pandemiya boshidan beri koronavirusga chalingani rasman tasdiqlanganlar soni 239 435 nafarga yetdi, deb xabar beradi Sog‘liqni saqlash vazirligi matbuot xizmati.

Yangi kasallanish holatlarining:

• 2 nafari Andijon viloyatida,
• 1 nafari Buxoro viloyatida,
• 2 nafari Samarqand viloyatida,
• 4 nafari Surxondaryo viloyatida,
• 1 nafari Farg‘ona viloyatida,
• 4 nafari Toshkent viloyatida,
• 45 nafari Toshkent shahrida

koronavirusga chalingan bemorlar bilan muloqotda bo‘lganligi sababli namuna olingan fuqarolar orasida aniqlangan. Ta’kidlash kerakki, mamlakatda kasalliklar sonining ortishi keyingi uchinchi kun davomida kuzatilmoqda: 15-iyunda 57 ta holat aniqlangan, 14-iyunda esa 39 kishida. Koronavirus infeksiyasi oqibatida ro‘yxatga olingan rasmiy o‘limlarning umumiy soni 1637 nafarni tashkil etmoqda.

Kecha kun davomida:

• Surxondaryo viloyatida 2 nafar,
• Farg‘ona viloyatida 1 nafar,
• Toshkent viloyatida 2 nafar,
• Toshkent shahrida 32 nafar

bemor tuzalib, kasallikdan sog‘ayganlar jami 237 549 (+37) nafarga yetdi va sog‘ayish ko‘rsatkichi 99 foizni tashkil etmoqda.

Eslatib o‘tamiz, O‘zbekistonda 2-fevral kuni koronavirus bilan kunlik kasallanishlar soni 15 kun ichida ilk bor 1000 tadan kamaygandi. 9-fevraldan boshlab mamlakatda koronavirus bilan kunlik kasallanishlar soni bir oy ichida ilk bor 700 tadan kamaydi. Mamlakatda kunlik kasallanish bo‘yicha 200 kishidan past ko‘rsatkich so‘nggi marta 18-fevralda (191 kishi), 100 kishidan past ko‘rsatkich esa 28-fevralda (96 kishi), 22-mart kuni esa 7 kishida koronavirus tasdiqlangan. 2-may — Ramazon hayiti kuni 1 kishida koronavirus qayd etilgan edi.