Futbol bo‘yicha U-23 Osiyo Kubogi—2022 musobaqasi doirasida O‘zbekiston U-23 terma jamoasi 7-iyun, seshanba kuni Eron bilan bahs olib bordi.
Qarshining “Markaziy” stadionida bo‘lib o‘tgan o‘yinda durang natija qayd etildi. Uchrashuvning 22-daqiqasida Otabek Jo‘raqo‘ziyev hisobni ochgan bo‘lsa, 62-daqiqada Arya Yusufi muvozanatni tikladi.
Shu tariqa O‘zbekiston U-23 terma jamoasi ochkolari sonini 7 taga yetkazib, guruhni peshqadam sifatida yakunladi. Eron esa 2 ochko bilan 4-pog‘onani band etdi.
Terma jamoa chorak finalda B guruhida 2-o‘rinni egallagan Iroq U-23 bilan bahs olib boradi. Jamoalar o‘rtasidagi bahs 11-iyun kuni bo‘lib o‘tadi.
Osiyo Kubogi—2023
3-tur bahsi
7-iyun, seshanba
O‘zbekiston U-23 — Eron U-23 1:1
Gollar: 1:0 — 22 Otabek Jo‘raqo‘ziyev, 1:1 — 62 Arya Yusufi.O‘zbekiston U-23: 12. Vladimir Nazarov, 4. Abubakr Rizo Turdialiyev, 6. Jaloliddin Sodiqov, 11. Otabek Jo‘raqo‘ziyev, 13. Eldor Begimov, 14. Abbosbek Fayzullayev, 15. Odilbek Abdumajidov, 16. Shahzod Toirov, 17. Diyor Xolmatov, 20. Ruslanbek Jiyanov, 22. Alisher Odilov (19. Husayn Norchayev 53).
Eron U-23: 22. Parsa Jafari, 2. Mahdi Hoshimnajod, 3. Milad Kor, 4. Saman Fallah, 7. Muhammad Hodabandehlo, 10. Yosin Salmoni, 13. Muhammadmahdi Ahmadi, 14. Amir Jafari Seighalani, 16. Muhammad Gorbani, 18. Alirizo Hodaei, 23. Arya Yusufi.
Izoh (0)