Kilian Mbappe dunyoning eng ko‘p maosh oluvchi sportchisiga aylanadi.
Marca nashrining xabariga ko‘ra, futbolchi “PSJ” bilan shartnomasini 2025-yilga qadar uzaytirganidan so‘ng, dunyoning eng ko‘p maosh oladigan sportchisiga aylanadi.
Qayd etilishicha, Mbappe “Real”ga o‘tishga rozilik bergan, ammo oradan 3 kun o‘tib, o‘z fikrini o‘zgartirgan. Fransuz Qatarga borganidan so‘ng “Madrid” uning niyatiga shubha bilan qaray boshlagan. U “Real” taklif qilgan shartnomaoldi kelishuvini imzolamay, “PSJ” bilan bir necha million dollarlik bitim bo‘yicha kelishuvga erishgan holda Parijga qaytgan.
“Qaymoqranglilar” rahbariyatining hafsalasi pir bo‘lgan, chunki ular qaror qabul qilishda asosiy omil aynan pul ekanligini tushungan. Mbappega Fransiya prezidenti Emmanuel Makronning so‘zlari ham, “PSJ”ning turli xil usullari ham ta’sir ko‘rsata olmadi. Pul, shuningdek, “PSJ” prezidenti Nosir al-Helayfining yangi loyiha qurish borasidagi va’dasi uni jamoada qolishga ko‘ndirgan.
Kilian ushbu loyiha boshida turmaydi. “PSJ”dagi vaziyat to‘liq al-Helayfining nazorati ostida. U yaqinda parijliklar sport direktori bo‘lishi kutilayotgan Luis Kampos bilan birga klub siyosatini belgilab beradi.
Qayd etish joiz, “Real” hujumchini qo‘lga kiritishiga 100% ishonchi komil bo‘lib turgan vaqtda Kilian Mbappe “PSJ” bilan 2025-yilning yoziga qadar mo‘ljallangan shartnoma imzoladi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)