YCHL 2022/23-yilgi mavsumining dastlabki taqvimi e’lon qilindi

Yevropa futbol assotsiatsiyalari ittifoqi (UEFA) 2022/23-yilgi mavsum uchun Chempionlar Ligasining dastlabki taqvimini e’lon qildi.

Musobaqaning o‘tish bosqichi 21-iyun kuni boshlanadi, ushbu bosqichning final o‘yinlari 24-iyun kuni bo‘lib o‘tadi.

Birinchi saralash bosqichi o‘yinlari 5/6 va 12/13-iyul kunlari, ikkinchisi — 19/20 va 26/27-iyul kunlari, uchinchisi — 2/3 va 9-avgust sanalarida bo‘lib o‘tishi rejalashtirilgan. Saralashning pley-off bahslari esa 16/17 va 23/24-avgust kunlariga mo‘ljallangan.

Chempionlar Ligasining guruh bosqichi o‘yinlari 6/7-sentabrdan to 1/2-noyabrga qadar davom etadi. Pley-offning nimchorak final o‘yinlari 14-fevraldan 15-martacha, chorak final — 11/12—18/19-aprel sanalarida, yarim final bahslari esa 9/10—16/17-mayda o‘tkazilishi rejalashtirilgan.

2022/23-yilgi mavsum Chempionlar Ligasi finali taxminan 10-iyun kuni Istanbulda bo‘lib o‘tadi. Istanbul dastlab 2020-yilgi finalga mezbonlik qilish uchun tanlangan edi, ammo COVID-19 pandemiyasi tufayli mezbonlik Lissabonga nasib etgandi.