Bugun,

  • USD 10940.05
  • RUB 182.26
  • EUR 11121.65

Yevropa davlatlari yetakchilari Ukraina prezidenti Vladimir Zelenskiyni Rossiya bilan muzokaralar stoliga o‘tirg‘izib qo‘yishi kerak. Bu haqda Checheniston rahbari Ramzan Qodirov o‘z Telegram-kanalida yozdi deb xabar beradi “RBK”.

Foto: “TASS”

Foto: “TASS”

“Ukrainani qutqarib qolish uchun Zelenskiy G‘arb propagandasi to‘sib qo‘ygan ko‘zlarini ochishi va o‘z mamlakatidagi natsizmga nuqta qo‘yishi kerak… Siz [Yevropa yetakchilari] Putin bilan umumiy til topib, Zelenskiyni muzokaralar stoliga o‘tirg‘izishingiz kerak, toki u bizning barcha takliflarimizni imzolasin”, — dedi u.

Checheniston rahbari, shuningdek, “Donetsk va Luganskdagi ishni bitirgandan keyin, istalgan davlatga qarab yo‘l olishimiz mumkin” deb ogohlantirdi. “Butun Rossiya prezidentimiz tomonda. Hatto bundan ham ko‘proq narsani aytishim mumkin: bugun bizga Yevropa davlatlaridan ko‘plab ko‘ngillilar kelmoqda, ular bu shaytonlarning barchasiga qarshi kurashishga tayyor”, — deya qo‘shimcha qildi Qodirov.

Ayni paytda Checheniston rahbari G‘arb mamlakatlari Rossiyadagi “ayollar, bolalar, keksalar, murabbiylar, it va otlar”ga qarshi sanksiyalar kiritish orqali o‘z zaifligini ko‘rsatayotganini aytdi.

Avvalroq Rossiya va Ukraina muzokaralar to‘xtatilganini ma’lum qilgan edi. “Ayni paytda Moskva va Kiyev o‘rtasida tinchlik muzokaralari olib borilmayapti”, — degan edi Rossiya tashqi ishlar vaziri o‘rinbosari Andrey Rudenko. Keyinroq muzokaralardagi pauzani Ukraina prezidenti ofisi rahbari maslahatchisi Mixail Podolyak ham tasdiqladi.

Keyinroq Ukraina tinchlik muzokaralarini davom ettirish uchun o‘z shartini ma’lum qildi. Moskva va Kiyev o‘rtasidagi tinchlik muzokaralari Rossiya qo‘shinlari Ukraina hududini tark etganidan keyingina davom etishi mumkin, deya ma’lum qildi Ukraina prezidenti ofisi rahbari maslahatchisi Mixail Podolyak.

Izoh
Asosiy yangiliklar
Mahalliy
Toshkentdagi ayrim ko‘chalarda tezlik pasaytirilishi kutilmoqda
Mahalliy
“O‘zbekona urf-odatlarga to‘g‘ri kelmaydigan raqs”. Navoiyda raqsga tushgan qizlarning ota-onalariga chora ko‘rildi (video)
Dunyo
Alla Pugachyova farzandlari bilan birgalikda Rossiyani tark etdi