Donetsk viloyatidagi Nyu-Yorkning shturm qilinishi. Xarkov ostonalarida chekinayotgan Rossiya qo‘shinlari. Urushning 82-kunidan fotoreportaj
Urushning 82-kuniga kelib, “Azovstal” zavodi hududidan u yerda so‘nggi ikki oy davomida mudofaada bo‘lgan ukrain askarlarni olib keta boshlashdi. Rossiya harbiylari chekinishni boshlagan Xarkovga mahalliy aholi evakuatsiyadan qaytib kela boshladi. Shvetsiya hukumati NATOga a’zo bo‘lish to‘g‘risida rasmiy qaror qabul qildi. Yevroittifoq esa Rossiyaga qarshi sanksiyalarning oltinchi paketini yana kelisha olmadi. Meduza ushbu kunning asosiy fotosuratlarini bir joyga to‘pladi.
Donbass shimoli
Ukrainalik askar Donetsk viloyatining Nyu-York qishlog‘ida portlamay qolgan snaryadni ko‘zdan kechirmoqda. Nyu-Yorkka Yekaterina II tomonidan taklif qilingan mennonitlar (Niderlandiyada XVI asrda paydo bo‘lgan protestantlik oqimi) tomonidan asos solingan. Qishloq 1951-yilda, Sovu qurush davrida, Novgorod deb qayta nomlangan, ammo 2021-yilda hukumat unga tarixiy nomini qaytarib berishga qaror qildi.Foto: AFP
Qum solingan qoplar binolar derazalarini yopib turibdi. Shahar ostonalarida hozir janglar bormoqda, Nyu-Yorkni “Donetsk xalq respublikasi” harbiylari shturm qilmoqdaFoto: AFP
Bino devoridagi “Men Nyu-Yorkni sevaman” yozuvli graffitiFoto: AFP
Nyu-Yorkdagi tashlandiq bino xonalaridan biriFoto: AFP
Toretsk fuqarosi suv ortilgan velosipedni surib bormoqda. Shahar mart boshidan buyon o‘q yomg‘irlari ostida qolmoqdaFoto: AFP
Odessa viloyati
Zarya Truda qishlog‘ida ukrainalik harbiy xizmatchi Vladimir Losevning dafn marosimi. U mina portlashidan halok bo‘lganFoto: AP Photo
Harbiy bilan vidolashuv marosimi. Losev umrining so‘nggi 18 yilini shu qishloqda yashab o‘tkazganFoto: AP Photo
Odessa tashqarisida o‘q yog‘dirilishi oqibatida vayron bo‘lgan mehmonxona. Rossiya qo‘shinlari hududni urush boshlanganidan buyon o‘qqa tutib keladiFoto: EPA
Xarkov viloyati
Russkaya Lozovaya qishlog‘ida vayron bo‘lgan ko‘prik. Qishloq qariyb ikki oy Rossiya okkupatsiyasi ostida bo‘lib kelgan, u aprel oxirida ozod qilingan. Ukraina parlamenti a’zosi Yevgeniy Pivovarov qishloqni qayta nomlashni taklif qildiFoto: AFP
Xarkov yaqinidagi Biskvitnoye qishlog‘ida bombalardan chuqur izlar qolgan dala. Rossiya harbiylari shahardan chekinmoqda, deb xabar berdi Ukraina qurolli kuchlariFoto: Getty Images
Biskvitnoye qishlog‘idagi dalada Rossiya vertolyoti qoldiqlariFoto: Getty Images
Ukrainalik harbiy xizmatchi Malaya Rogan qishlog‘ida ilgari rossiyalik askarlar bazasi bo‘lib xizmat qilgan yerto‘lada mushukni silamoqdaFoto: AP Photo
Mariupol
Ukrainalik harbiylar ikki oy davomida mudofaani saqlab kelgan “Azovstal” zavodi hududi. Ukraina qurolli kuchlari bosh shtabi 17-mayga o‘tar kechasi sakarlarni “qutqarish operatsiyasi” o‘tkazilganini e’lon qildi — “Donetsk xalq respublikasi” hududiga 260 dan ortiq odam keltirildi. Ushbu kadr ukrainalik harbiylardan biri tomonidan tasvirga olinganFoto: Dmitriy “Orest” Kazatskiy / Azov polki
“Azovstal”da mudofaani saqlab kelgan ukrain harbiy xizmatchilari o‘tirgan avtobus DXR tomonga qarab ketmoqda. Ularning barchasi rossiyalik harbiy asirlar bilan ayirboshlanishi kutilmoqdaFoto: Reuters
Yarador ukrain askar DXR hududidagi NovoazovskdaFoto: Reuters
Izoh (0)