Шавкат Мирзиёев ҳузурида 11 май куни ўтказилган йиғилишда ғалла қабул қилиш пунктлари сонини камайтириш ва кейинги йилдан бошлаб уларни хусусийлаштириш чора-тадбирлари белгиланди. Бу ҳақда президент матбуот котиби хабар қилди.
«Ҳокимлар бир нарсани аниқ тушуниб олишлари зарур. Буғдойнинг ҳақиқий эгаси бу — фермер ва кластерлар. Шунинг учун бундан буён туманда режа бажарилмаяпти, чорва, парранда ёки балиқчиликка озуқа-ем керак, деган важлар билан фермерлар ғалласини олиб қўйиш қатъиян тақиқланади.
Бундан ташқари, биржа орқали сотилган буғдойга ҳудудлараро чеклов қўйилмайди. Марҳамат, қайси ҳудуддаги корхона биржада ютиб олса, ҳеч қандай тўсиқларсиз ғаллани олиб кетиши мумкин», — дейди президент.
Бош прокурор, вилоят, туман ва шаҳар прокурорлари бу масалани шахсан назоратига олиб, фермерни норози қилган раҳбарларга қатъий чоралар кўриб бориши кераклиги кўрсатиб ўтилган.
Мавзуга доир:
- Ўзбекистонда 1 июндан бошлаб ғаллани давлат томонидан сотиб олиш ва сотишда бозор нархларига ўтилади
- Шавкат Мирзиёев раислигида ўтаётган йиғилишда давлат дон корхоналарида талон-торож қилиш ҳолатлари борлиги танқид қилинди
- «Нарх-наво барқарорлигини таъминлашнинг ягона тўғри йўли — бу фермерлар манфаатдорлигини таъминлаш» — Шавкат Мирзиёев
Изоҳ (0)