Bugun,

  • USD 11095.31
  • RUB 173.84
  • EUR 10772.44

Germaniya iqtisodiyot vaziri Shulze Ikkinchi jahon urushidan keyingi o‘rinda turadigan eng dahshatli ocharchilik haqida ogohlantirdi. Bu haqda Bild xabar berdi.

Foto: Michael Sohn / AP

Foto: Michael Sohn / AP

Bunga qurg‘oqchilik, COVID-19 pandemiyasi va Rossiyaning Ukrainadagi maxsus operatsiyasi tufayli yuzaga kelgan inqiroz sabab bo‘ladi.

Aprel oyida dunyoda oziq-ovqat narxi tarixiy eng yuqori darajaga yetdi.

Germaniya vaziri dunyoda 300 million odam ochlikdan aziyat chekayotganini va ularning soni kundan kunga o‘sib borayotganini ta’kidladi.

Biz Ikkinchi jahon urushidan beri sodir bo‘ladigan eng dahshatli ocharchilikka va buning oqibatida millionlab qurbonlarga duch kelishimiz mumkin, — dedi Shulze.

Uning so‘zlariga ko‘ra, dunyo bo‘ylab oziq-ovqat narxi uchdan biriga oshgan va hozir rekord darajaga yetgan.

Avvalroq BMT bosh kotibi Antoniu Guterrish dunyo oziq-ovqat inqiroziga duch kelishi mumkinligini aytgandi. Shuningdek, u Rossiya, Belarus va Ukrainadan o‘g‘it va boshqa mahsulotlarni jahon bozorlariga qaytarishga chaqirgan.

Aprel oyi boshida Birlashgan Millatlar Tashkilotining Oziq-ovqat va qishloq xo‘jaligi tashkiloti (FAO) jahonda oziq-ovqat narxlari rekord darajada yuqori bo‘lganini taxmin qildi. Bunday dinamika Ukrainadagi vaziyat tufayli o‘simlik moylari va don bozorlaridagi zarbalar bilan bog‘liq edi.

Mart oyida dunyoda oziq-ovqat narxi yillik hisobda 33,6 foizga oshdi. So‘nggi uch yil ichida Rossiya va Ukraina jahon bug‘doy eksportining qariyb 30 foizini va jahon makkajo‘xori eksportining 20 foizini tashkil etgan. Faqat bug‘doy narxi 19,7 foizga oshdi.

Oziq-ovqat inqiroziga qarshi global tarmoq ekspertlarining fikricha, 2021-yilda dunyoda och odamlar soni 25 foizga, ya’ni 190 million kishidan oshgan.

2022-yilda vaziyat yanada yomonlashadi, chunki Rossiya—Ukraina mojarosi mahsulot va o‘g‘it yetkazib berishda uzilishlarga olib keladi, shuningdek, pandemiyadan global tiklanish jarayonini sekinlashtiradi, deb hisoblaydi ular.

Avvalroq oziq-ovqat, neft, metall va boshqa tovarlarning jahon narxlari 2024-yil oxirigacha tarixiy yuqori darajada saqlanib qolishi haqida xabar berilgan edi.

Izoh
Asosiy yangiliklar
Maslahatlar
Trikotaj kiyimlarga zarar yetkazmasdan qanday yuvish mumkin?
Mahalliy
Navoiyda 454 nafar fuqaroning bank kartalaridagi pullarni o‘zlashtirgan jinoiy guruh qo‘lga olindi
Dunyo
Politico nashri Zelenskiyni eng nufuzli yevropalik, Putinni esa yilning eng omadsiz odami deb e’lon qildi