Italiyada “Sheherezada” superyaxtasi hibsga olindi. Bu haqda Italiya Iqtisodiyot va moliya vazirligi xabar berdi.
Kayman orollari bayrog‘i ostida va Marina di Karrarada bog‘langan kema uzoq vaqtdan beri rasmiylar nazorati ostida bo‘lgan, — deyiladi xabarda.
Superyaxta 2019-yilda qurilgan bo‘lib, uzunligi 140 metr va eni 24 metrni tashkil qiladi.
“Sheherezada”, hatto o‘z toifasiga kiruvchi kemalar uchun ham g‘ayrioddiy darajadagi maxfiylik bilan o‘ralgan.
Pudratchilar va ekipaj a’zolari ma’lumotlarni oshkor qilmaslik to‘g‘risidagi shartnomalarni imzolashlari shart, yaxtada nom belgisini yashirish uchun maxsus qopqoqlar bor.
“Sheherezada”ning aniq egasi aniqlanmagan, biroq AQSH rasmiylari Nyu-York Times’ga yaxtaning Putinga aloqadorligi haqida ma’lum qilishgan. Aleksey Navalniyning tarafdorlari ham uni Rossiya prezidenti bilan bog‘lashadi.
Boshqa versiyalarga ko‘ra, yaxta “Rosneft” rahbarlaridan biri bo‘lgan tadbirkor Eduard Xudainatovga tegishli bo‘lishi mumkin.
Avvalroq Germaniyada Alisher Usmonovning 156 metrlik “Dilbar” yaxtasi xatlovga olingani haqida xabar berilgan edi.
Izoh (0)