Rossiyada asosiy stavka yillik 17 foizdan 14 foizgacha pasaytirildi. Qaror Markaziy bank direktorlar kengashining 29-aprel, juma kuni bo‘lib o‘tgan yig‘ilishida qabul qilindi.
Rossiya iqtisodiyoti uchun tashqi muhit qiyinligicha qolmoqda. Bu iqtisodiy faollikni sezilarli darajada cheklaydi. Narxlar va moliyaviy barqarorlik uchun xavflar o‘sishni to‘xtatdi. Bu esa asosiy stavkani pasaytirish uchun sharoit yaratdi, — deyiladi hisobotdaRossiya Markaziy banki agar vaziyat joriy yilda bazaviy prognozga muvofiq rivojlansa, yana stavkani pasaytirishini ma’lum qildi.
Rossiyada inflyatsiya keyingi oylarda bazaviy effekt tufayli o‘sishda davom etishi va 2022-yilda 18-23 foizni tashkil etishi kutilmoqda
Regulyatorning prognoziga ko‘ra, joriy yilda YIM 8-10 foizga qisqaradi. Bu pasayish asosan taklif omillari bilan bog‘liq bo‘ladi.
2023-yilda Rossiya iqtisodiyoti bosqichma-bosqich o‘sishga o‘tadi, deb taxmin qilmoqda Markaziy bank. 2023-yilning to‘rtinchi choragida ishlab chiqarish 2022 yilning shu davriga nisbatan 4-5,5 foizga yuqori bo‘ladi.
Rossiya banki direktorlar kengashining asosiy stavka darajasi masalasini ko‘rib chiqadigan navbatdagi yig‘ilishi 2022-yil 10-iyunga rejalashtirilgan.
28-fevralda Rossiya Markaziy banki asosiy stavkani yillik 9,5 foizdan 20 foizga oshirgan edi. Bu 2013-yildan beri eng yuqori ko‘rsatkich bo‘ldi. Qaror Rossiya qo‘shinlarining Ukrainaga kirishi munosabati bilan joriy qilingan Rossiyaga qarshi keskin sanksiyalar fonida qabul qilingan.
Mart oyining o‘rtalarida Rossiya banki asosiy stavkasini yillik 20 foiz darajasida saqlab qoldi. 8-aprel kuni regulyator asosiy stavkani 17 foizga tushirdi. Bu Rossiya fond bozorida rublning mustahkamlanishiga katta hissa qo‘shdi.
Izoh (0)