Bugun,

  • USD 10940.05
  • RUB 182.26
  • EUR 11121.65

“Manchester Yunayted” ustozi Ralf Rangnik mavsum so‘ngida Avstriya terma jamoasi bosh murabbiyiga aylandi. Bu haqida Avstriya futbol federatsiyasi matbuot xizmati ma’lum qildi.

Foto: Getty Images

Foto: Getty Images

63 yoshli mutaxassis “Manchester Yunayted” bilan mavsumni yakunlaydi va may oyining oxirida Avstriya terma jamoasini Millatlar Ligasidagi o‘yinlarga tayyorlashga kirishadi.

Avstriyaliklar Rangnik bilan 2 yillik shartnoma imzoladi. Agarda terma jamoa Yevro—2024 ga chiqadigan bo‘lsa, bitim avtomatik ravishda 2026-yilgacha uzaytiriladi.

Xabarlarga ko‘ra, Rangnik Avtriya termasini boshqarish bilan birga “Manchester Yunayted”dagi ishini ham davom ettirishi mumkin. Chunki mankunianliklar jamoasida maslahatchi sifatida oyiga 6 kun faoliyat olib borsa bo‘ladi.

63 yoshli murabbiy 2021-yilning noyabr oyida “Manchester Yunayted” bosh murabbiyiga aylangan edi. Mutaxassis mavsum so‘ngiga qadar jamoani boshqarishi, 2022-yil yozidan boshlab ikki yil davomida jamoa maslahatchisi lavozimida faoliyat yuritishi kelishib olingandi.

21-aprel kuni mankunianliklar “Ayaks” ustozi Erik ten Hag bilan shartnoma imzolaganini ma’lum qildi. Niderlandiyalik murabbiy mavsum yakunlangandan keyin Manchester jamoasida faoliyatini boshlaydi.

Nemis mutaxassisi qo‘l ostida “qizil iblislar” APLda 55 ochko jamg‘argan holda 6-o‘rinda bormoqda.

Izoh
Asosiy yangiliklar
Mahalliy
G‘aniyev va Voitov klasterlarga past narxda paxta sotishni xohlamagan fermerlarga bosim o‘tkazilayotganini o‘rganadi
Mahalliy
“Ba’zi hokimlar, vazirlik rahbarlari o‘zlarini go‘yo xonlardek tutib, to‘rachilik kayfiyatiga berilib ketgan” — Sardor Umrzoqov
Mahalliy
“Ularni kim deb atash mumkin?” Sardor Umrzoqov maishatboz rahbarlarni tanqid qildi