O‘zbekiston yanvar—mart oylarida qancha yengil avtomobil import qilgani ma’lum bo‘ldi

2022-yilning yanvar—mart oylarida O‘zbekiston 21 ta xorijiy davlatdan qiymati 189,3 million dollarga teng bo‘lgan 8 508 ta yengil avtomobil import qilgan. Bu haqda Davlat statistika qo‘mitasi xabar berdi.

Yengil avtomobillar importi o‘tgan yilning mos davri bilan solishtirilganda 5 361 taga yoki 2,7 barobarga oshgan. Mart oyining o‘zida O‘zbekiston mart oyida 2 560 ta yengil avtomobil import qilgan.

3 oyda O‘zbekiston yengil avtomobillarni eng ko‘p import qilgan davlatlar:

• Xitoy – 4482 ta;
• Janubiy Koreya – 2101 ta;
• Qozog‘iston – 1019 ta;
• Rossiya – 741 ta;
• AQSH – 70 ta;
• Yaponiya – 27 ta;
• Germaniya – 23 ta;
• Tailand – 10 ta;
• BAA – 9 ta;
• Gonkong – 7 ta.