«Манчестер Юнайтед» ҳимоячиси Ҳарри Магуайрга жиддий таҳдидлар бўлмоқда.
Sky Sports’га кўра, ҳимоячи оиласи билан яшайдиган уйда портлаш содир бўлиши мумкинлиги хабар қилингач, футболчи Чешир полициясига мурожаат қилган.
Полиция искович итлар ёрдамида уйни тинтув қилди, аммо ҳеч нарса топа олмади.
«Сўнгги 24 соат ичида Ҳарри оиласи билан бирга яшайдиган уйга жиддий таҳдид борлиги ҳақида хабарлар олди. Магуайр бу ҳақида полицияга маълум қилган ва ҳозирда тергов ҳаракатлари давом этмоқда. Албатта, оиласи ва яқинларининг хавфсизлиги Ҳарри учун биринчи ўринда туради.
У дам олиш кунлари бўладиган ўйинга одатдагидек тайёргарлик кўришда давом этади ва бу борада изоҳ бермайди», — дейди «Манчестер Юнайтед» сардорининг вакили.
«Ҳеч кимни эвакуация қилишга ҳожат қолмади, аммо эҳтиёт чораси сифатида 21 апрель, пайшанба куни уй тинтув қилинди. Шунингдек, боғ ва унинг атрофидаги ҳудудлар ҳам кўздан кечирилди», — дейилади полиция хабарида.
Изоҳ (0)