Shubhasiz, Shohrux Xon nafaqat Bollivuddagi eng mashhur aktyorlardan biri, balki u dunyodagi eng yirik kino yulduzlaridan biri sanaladi. Bollywoodtime nashri 2022- va 2023-yillarda aktyorning suratga tushishi kutilayotgan filmlar bilan bo‘lishdi.
U o‘ttiz yil davomida hind kinosining asosiy aktyorlaridan biri bo‘lib keldi va uni haqli ravishda “Bollivud podshohi” va “Romantika qiroli” deb atashadi. 2018-yilda uning ishtirokidagi “Nol” filmi kassada muvaffaqiyatsizlikka uchradi va shundan so‘ng 4 yil davomida tomoshabinlar Shohruxni yangi loyihalarda ko‘rmadi. Ammo endi aktyor imkon qadar tezroq ekranlarga qaytish uchun bor kuchini sarflamoqda. Aktyor tez orada o‘zining SRK+ raqamli striming platformasini ishga tushiradi va muxlislar buni intiqlik bilan kutmoqda.
“Pushtun” — 2023
Shohrux Xon Jon Abraham bilan zamonaviy josuslik trilleri “Pushtun”da birinchi marta ekran maydonini bo‘lishmoqda. Shohrux katta ekrandan 4 yil uzoqlashganidan keyin tantanali qaytish qiladi. Bosh ayol rolini Dipika Padukone ijro etadi. Shohrux Xon o‘g‘li Aryan Xonning narkotik ishi ochilgandan so‘ng 2021-yil dekabr oyi o‘rtalaridan boshlab suratga tushishni davom ettirdi. Film 2023-yil 25-yanvarda hind, tamil va telugu tillarida namoyish etiladi.
Rejissor Atli bilan keyingi loyiha
Janubiy hind rejissori Atli va Shohrux Xon birgalikda “Arslon” nomli filmni suratga olishmoqchi (nomi hali tasdiqlanmagan). Shohrux ketma-ket so‘nggi ikki muvaffaqiyatsizligidan, “Garri Sejal bilan uchrashganida” va “Nol” kartinalar kassada omadsizlikka uchragan, shuning uchun u hozirda bitta loyihaga e’tibor qaratmoqda.
Rajkumar Xirani bilan keyingi loyiha
Shohruxning rejissor Raju Xirani bilan hamkorligi uzoq vaqtdan beri yangilik bo‘lib kelgan, chunki aktyorga shunday yirik ijodkor va shunga monand loyiha kerak. Kuchli ikkilik “ijtimoiy immigratsiya komediyasi” uchun hamkorlikda ishlashi mumkin.
Rahul Dxolakiya bilan loyiha
“Boy” filmida birga ishlagan Shohrux Xon va Rahul Dxolakiya yana o‘t o‘chiruvchi Tukaramning hayotiga asoslangan biografik filmida hamkorlik qiladi.
“Xukri” operatsiyasi
Megayulduz Shohrux Xon “Xukri” operatsiyasi asosida film suratga tushadi. Ma’lum qilinishicha, aktyor filmda askar rolini ijro etishi mumkin.
“Salom” (hali tasdiqlanmagan)
Hindiston harbiy havo kuchlarining sobiq uchuvchisi (kosmonavt) Rakesh Sharma haqidagi biografik film uzoq vaqtdan beri yangiliklarda bo‘lib kelgan. Amir Xon ssenariy muammolari tufayli uni rad etdi. Keyin Shohruxga bu rol taklif qilingan, lekin u ham rad javobini bergan. Biroq ssenariy muallifi Anjum Rajabali OAVga Xon loyihani tark etmayotgani, balki voqea yakunlanayotganini aytdi.
Izoh (0)