Qoraqalpog‘istonning Xo‘jayli tumanida ona o‘z farzandlariga zulm o‘tkazib, ularni xo‘rlamoqda. Qilmishini esa o‘zi tasvirga olib, katta ehtimol bilan turmush o‘rtog‘iga yuborgan. Bu haqda “Daryo”ga xabar bergan o‘quvchi voqea 2021-yilning iyul oyida sodir bo‘lganini aytmoqda.
Ma’lum qilinishicha, videodagi zulmkor ona F.X. bundan olti yil ilgari A.A. ismli fuqaro tomonidan olib qochilib, turmushga chiqqan. Ammo qonuniy nikoh bo‘lmagan. Ularning ikki nafar farzandi bor.
“Daryo” o‘quvchisi qizlarning otasi A.A.ga yaqin tanish ekanini aytib, voqeadan yaxshi xabardorligini bildirgan.
“Holat 2021-yilning iyul oyida sodir bo‘lgan. Oradan ko‘p o‘tmay A.A. Rossiyadan qaytishga majbur bo‘lgan. Shunga qaramasdan F.X. voyaga yetmagan farzandlariga zulm o‘tkazishdan to‘xtamagan. Holat haligacha davom etmoqda”, — deydi suhbatdosh.
Izoh (0)