O‘zbekiston yo‘llarida sodir bo‘lgan yo‘l-transport hodisalari tafsilotlarini taqdim etamiz.
Angrenda Epica va Cobalt to‘qnashdi
Dastlabki ma’lumotlarga ko‘ra, 2022-yil 9-aprel kuni soat 12:10 larda Toshkent viloyati, Angren shahar Navoiy ko‘chasida haydovchi R.S. boshqaruvidagi Cobalt hamda haydovchi X.T. boshqaruvida bo‘lgan Epica rusumli avtomobillar ishtirokida to‘qnashuv sodir bo‘lgan.
Oqibatda Cobalt yo‘lovchisi, S.M. hamda Epica avtomobilida bo‘lgan bir nafar yo‘lovchi shifoxonaga olib ketilgan.
Mazkur YTH yuzasidan Angren shahar IIB JXX YHXB xodimlari tomonidan surishtiruv harakatlari olib borilmoqda.
Namanganda 21 yoshli haydovchilar boshqaruvidagi avtomobillar YTHga uchradi
2022-yil 29-mart kuni soat 10:00 larda Yangiqo‘rg‘on tumani “Birlik” MFY hududida fuqaro (2001-yilda tug‘ilgan) VAZ-2106 rusumli avtomashinasini boshqarib borayotib, harakat xavfsizligini ta’minlay olmay, qarama-qarshi yo‘nalishga o‘tib ketib, qarshisidan harakatlanib kelayotgan, boshqa fuqaro (2001-yilda tug‘ilgan) boshqaruvidagi Damas avtomashinasi bilan to‘qnashgan.
Oqibatda Damas haydovchisi o‘ng oyoq boldir suyagining sinishi tashxisi bilan shifoxonaga yotqizilgan.
Ushbu holat bo‘yicha tuman IIB huzuridagi TB tomonidan Jinoyat kodeksining 266-moddasi 1-qismi (transport boshqarish xavfsizligi qoidalarini buzish) bilan jinoyat ishi qo‘zg‘atilgan.
Chustda Spark va Damas to‘qnashuvida ikki haydovchi jarohat oldi
2022-yil 28-mart kuni soat 17:45 larda Chust tumani “Mustaqillik” mahallasida fuqaro Spark avtomashinasini boshqarib borayotib, o‘ziga nisbatan ikkinchi darajali yo‘ldan harakatlanib chiqqan ayol (1990-yilda tug‘ilgan) boshqaruvidagi Damas bilan to‘qnashgan.
Oqibatda Spark rusumli avtomashina haydovchisi o‘ng qo‘l birinchi barmoq asosiy falanga asosidan sinishi hamda Damas haydovchisi bo‘yin sohasi yumshoq to‘qimalarini lat yeyishi tashxisi bilan tan jarohati olib, shifoxonaga murojaat qilgan.
Ushbu holat bo‘yicha tuman IIB huzuridagi TB tomonidan Jinoyat kodeksining 266-moddasi 1-qismi bilan jinoyat ishi qo‘zg‘atilgan.
Izoh (0)