Instagram: Lutfulla Sa’dullayevning armoni, Ozoda Nursaidovadan ranjigan Liil Xurramov, tug‘uruqxonadan chiqishi bayramga aylangan Dilso‘z

Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarini e’tiboringizga havola etamiz.

Shahzoda Muhammedova 10-aprel kuni 81 yoshda vafot etgan Lutfulla Sa’dullayevning armoni haqida so‘zlab berdi. Uning aytishicha, marhum aktyor rafiqasi Gulchehra Sa’dullayeva bilan “Kim ekan?” shousida ishtirok etishni niyat qilgan edi.

Sevara Soliyeva “Shok.uz” YouTube kanaliga bergan intervyusida turmush o‘rtog‘i olib bergan Nexia-3 avtomobilini qaynatasiga sovg‘a qilgani haqida so‘zlab berdi.

Nilufar Usmonova yangi fotosessiyasini muxlislari e’tiboriga havola etdi.

Xonanda Dilso‘z chaqalog‘i Muhammad Usmon bilan tug‘uruqxonadan chiqdi hamda shou-biznesdagi dugonalari uchun uyida katta bayram tashkillashtirdi.

Luiza Rasulova ham kuzatuvchilariga yangi surat bilan ko‘rinish berdi.

Raqqosa Parizoda oilasi bilan Dubayga dam olishga uchib ketdi.

Jamila G‘ofurova milliy libosdagi surati bilan bo‘lishdi.

Ziyoda iftor vaqtida uyga borishga ulgurmagan ro‘zadorlarga ko‘chada suv va xurmo tarqatayotgan yigitlar haqida video tayyorladi.

Bollivud yulduzi Kajol 14 yil avval vafot etgan otasini xotirlab, u bilan birga tushgan suratini sahifasiga joyladi.

Bunyodbek Saidov ayni paytda Umra ziyoratida ekanligi, shu bois “Xalqlar do‘stligi” saroyida o‘tkazilgan “Xorazm yulduzlari” konsert dasturida ishtirok eta olmagani haqida gapirdi.

Turkiyalik aktyor Burak O‘zchivit ham kuzatuvchilariga yangi surat bilan ko‘rinish berdi.

Bloger Liil Xurramov turkiyalik prodyuserdan mashhur xonanda bilan Istanbulda duet aytish taklifini qo‘lga kiritgani haqida so‘zlab bergan edi. Blogerning aytishicha, o‘sha mashhur xonanda Ozoda Nursaidova bo‘lib chiqdi. Liil kuzatuvchilariga Ozoda Nursaidova bilan duet kuylash g‘oyasi qanday yuzaga kelgani haqida so‘zlab berdi.

Keyinroq esa Liil Ozoda Nursaidovaning u haqda aytgan so‘zlaridan ranjigani haqida gapirdi hamda Stories’ida qisqa video e’lon qildi. Videoda Ozoda Nursaidova u bilan duet kuylab, “sharmanda bo‘lishi” haqida gapirgan.

Aktrisa Ra’no Shodiyeva filmni suratga olish jarayoniga qanday tayyorgarlik ko‘rayotgani aks etgan videoni sahifasiga joyladi.

Rejissor Ruslan Mirzayev bosh rolni Ulug‘bek Qodirov ijro etgan “Yur, muhabbat” seriali suratga olish jarayoni videosi bilan bo‘lishdi.