2022-yilning yanvar—fevral oylarida O‘zbekiston 6 ta xorijiy davlatdan qiymati 5,9 mln dollarlik 228 ta elektromobil import qilgan. Bu haqda Davlat statistika qo‘mitasi matbuot xizmati xabar bermoqda.
Elektromobil importi 2021-yilning mos davriga nisbatan 150 taga oshgan. 2021-yilning dastlabki 2 oyida 85 ta elektromobil import qilingan edi. 2020-yilning xuddi shu davrida O‘zbekistonga atigi 7 dona elektromobil import qilingan. Mos davr uchun so‘ngi ikki yilda elektromobil importi 32 barobarga oshdi.
Elektromobillar importining 95 foizi Xitoyga to‘g‘ri kelmoqda. Yanvar—fevral oylarida O‘zbekistonga Xitoydan 216 ta elektromobil keltirilgan. Bundan tashqari, Gonkong, Germaniya, Estoniya, BAA va Qirg‘izistondan ham elektromobillar import qilingan.
Elektromobillar importining o‘sishiga O‘zbekistonda ularni olib kirish uchun import bojidan, aksiz solig‘idan va utilizatsiya yig‘imdan ozod etilgani sabab bo‘ldi. Olib kirishda faqatgina 15 foiz QQS to‘lash kerak bo‘ladi.
Izoh (0)