Davlat xavfsizlik xizmati Samarqand viloyati boshqarmasi hamda viloyat Ichki ishlar boshqarmasi xodimlari hamkorligida o‘tkazilgan tezkor tadbirda terrorchilik tashkilotlarning g‘oyalarini qo‘llab-quvvatlab kelgan 12 nafar fuqaro qo‘lga olindi. Bu haqda “Daryo”ga DXXning viloyat boshqarmasi ma’lum qildi.
Ma’lum bo‘lishicha, Past Darg‘om tumanida yashovchi fuqaro N.J. ijtimoiy tarmoqda 12 nafar mahalliy fuqarodan iborat virtual jamoat tuzgan. Ular terroristik tashkilotlar g‘oyalari bilan yo‘g‘rilgan materiallarni muntazam ravishda bir-biriga tarqatib, muhokama qilib kelgan. Jamoat a’zolarining 8 nafari Suriya davlatiga borib xalqaro terrorchilik tashkiloti safiga qo‘shilishni rejalashtirgan.
Holat yuzasidan ushbu shaxslarga nisbatan jinoyat kodeksining tegishli moddalari bilan jinoyat ish qo‘zg‘atilgan. Hozirda tergov harakatlari olib borilmoqda.
Izoh (0)