Samarqand viloyatining Toyloq tumanida fermer xo‘jaligi ishchisi bir gektar yerni 50 ming dollarga sotayotganda qo‘lga olindi. Bu haqda “Daryo”ga DXXning viloyat boshqarmasi ma’lum qildi.
Ta’kidlanishicha, DXXning viloyat boshqarmasi hamda viloyat departamenti xodimlari hamkorligida o‘tkazilgan tadbirda Toyloq tumanida yashovchi, fermer xo‘jaligi ishchisi bo‘lgan 30 yoshli U.S. fuqaroga fermer xo‘jaligiga tegishli bir gektar yer maydonini 50 ming dollarga sotishga kelishib, so‘ralgan pul mablag‘larini olgan vaqtida ashyoviy dalillar bilan ushlangan.
Hozirda ushbu shaxsga nisbatan Jinoyat kodeksining tegishli moddasi bilan jinoyat ishi qo‘zg‘atilishi rejalashtirilib, surishtiruv harakatlari olib borilmoqda.
Mavzuga doir:
- Samarqandda yarim gektar yerni 60 ming dollarga sotmoqchi bo‘lgan tadbirkor ushlandi
- Buxoroda o‘g‘lining nomidagi 7,4 gektar yerni noqonuniy ravishda 84 ming dollarga sotishga uringan shaxs ushlandi
- Toshkent tumanida hokimlik zaxirasidan 14 sotix yerni 8 ming dollar evaziga olib berishni va’da qilgan shaxs ushlandi
Izoh (0)