Bugun,

  • USD 11095.31
  • RUB 173.84
  • EUR 10772.44

Fransiya Turkiya hamda Gretsiya bilan hamkorlikda Mariupoldagi odamlarni evakuatsiya qilish yuzasidan gumanitar operatsiya o‘tkazishni rejalashtirmoqda. Bu haqda Fransiya prezidenti Emmanuel Makron ma’lum qilgan, deya xabar bergan “Kommersant”.

Foto: Reuters

Foto: Reuters

Fransiya prezidenti Rossiya davlat rahbari bilan mazkur masalani yaqin orada maslahatlashib olishi haqida gapirgan.

“Prezident Putin bilan yaqin orada gaplashib olaman va biz Turkiya hamda Gretsiya davlatlari bilan hamkorlikda Mariupoldagi odamlarni boshqa xavfsiz joyga evakuatsiya qilish yuzasidan gumanitar operatsiya imkoniyatlari haqida suhbatlashamiz”, — degan Makron Bryusselda o‘tgan matbuot anjumanida (AFP).

Uning so‘zlariga ko‘ra, Putin bilan muhokamalar yaqin 48-72 soat ichida bo‘lib o‘tadi.

Fransiya davlat rahbari Mariupol meri va Ukraina hukumati vakillari bilan bu borada muzokaralar o‘tkazgan. Makron maxsus gumanitar operatsiyaga yana boshqa tomonlar ham qo‘shilishiga umid qilayotganini aytgan.

Avval Makron va Bayden dunyoda oziq-ovqat mahsulotlari inqirozi kuzatilishidan ogohlantirgani, Fransiya prezidenti “Birinchi kanal” muharriri Marina Ovsyannikovaga siyosiy boshpana berishga tayyorligini bildirgani haqida xabarlar berilgan.

Eslatib o‘tamiz, Rossiya 24-fevralda Ukrainada maxsus harbiy operatsiyalarni boshlagan. Shundan keyin AQSH, YI, Buyuk Britaniya, Avstraliya, Yangi Zelandiya, Yaponiya, Kanada va boshqa davlatlar Rossiyaga nisbatan sanksiyalar qo‘llanilganini e’lon qilgan.

Rossiya—Ukraina urushiga oid tezkor, ishonchli yangiliklar va ma’lumotlarni “Daryo”ning Live sahifasi orqali kuzatib boring → @Daryo_Live

Izoh
Asosiy yangiliklar
Mahalliy
Samarqandda o‘quvchining onasi “zamdirektor”ni kaltakladi
Mahalliy
O‘zbekistonda nogironligi bor insonlar uchun sharoit qanday? — “Daryo”da kichik so‘rovnoma
Sport
O‘zbekiston amputantlar terma jamoasi futbolchilariga Cobalt avtomobillari topshirildi