O‘zbekiston hududining katta qismida 25-mart, juma kuni quruq va bahoriy iliq ob-havo bo‘ladi, ammo yomg‘irlar mavsumi hali tugamadi, deb yozmoqda “O‘zgidromet”.
Ma’lum qilinishicha, shanba kuni O‘zbekistonga yana nam va salqin havoning bir qismi kirib keladi. Respublikaning shimolidan tashqari barcha viloyatlarda yana bulutli va yomg‘irli ob-havo bo‘lishi kutilmoqda. Farg‘ona vodiysi viloyatlarida kunning ikkinchi yarmida yomg‘ir yog‘adi. Kunduz kuni harorat 12-15 daraja iliqqacha pasayadi.
Mavzuga doir: Toshkent mart oyidagi yog‘ingarchilik miqdori bilan tarixiy rekordni yangilashi mumkin
Yakshanba kuni respublika hududining katta qismida yomg‘ir yog‘ishi to‘xtaydi, faqat kechasi va ertalab Toshkent viloyati va Farg‘ona vodiysi viloyatlarida ba’zi joylarda yomg‘ir yog‘adi. Havo harorati deyarli o‘zgarmaydi.
Dam olish kunlari tog‘oldi va tog‘li hududlarda sel kelishi, tog‘larda qor ko‘chishi xavfi bor.
Izoh (0)