17-mart kuni O‘zbekiston prezidenti Shavkat Mirziyoyev “2022-yilgi Navro‘z umumxalq bayramiga tayyorgarlik ko‘rish va uni o‘tkazish to‘g‘risida”gi qarorni imzolagan edi. Unga muvofiq, bayramda mamlakatda “Assalom, Navro‘z – yangilanish, mehr-oqibat va qadr-qimmat ayyomi!” degan bosh g‘oya asosida umumxalq sayllari shaklida keng nishonlanishi, Qoraqalpog‘iston, viloyatlar markazlari va Toshkent shahrida, shuningdek, barcha shahar va tumanlar, qishloq va ovullarda umumxalq sayllari shaklida o‘tkazilishi belgilangandi.
Keyinroq davlat rahbarining “2022-yilda rasmiy sanalarni nishonlash davrida qo‘shimcha ishlanmaydigan kunlarni belgilash va dam olish kunlarini ko‘chirish to‘g‘risida”gi farmoniga ko‘ra, mart oyida haftasiga besh kun ishlaydigan xodimlar uchun besh kun ketma-ket dam olish kunlari bo‘lishi, barcha xodimlar uchun 22-mart, seshanba va 23-mart, chorshanba kunlari dam olish kuni etib belgilangani xabar qilindi.
19-martdan boshlab Toshkent shahrining turli hududlarida xalq sayllari, tomosha va konsertlarga start berildi. Ertalabdan istirohat bog‘lari odamlar bilan gavjumlasha boshladi. “Daryo” fotomuxbiri ularning ayrimlari bo‘lib, e‘tiborga molik lahzalarni kadrlarga muhrladi.
Mavzuga doir:
- Toshkentda Navro‘z bayrami kunlari yo‘lovchi avtobuslari ish vaqtining tugashi bir soatga uzaytiriladi
- Navro‘z bayrami munosabati bilan Nurafshon shahriga avtomobillarning kirib-chiqishi cheklanadi
- Navro‘z bayrami kunlari O‘zbekistonda qanday ob-havo kutilmoqda?
- Surxonchaga o‘ynayotgan otaxonlar, yosh muxlisi bilan selfi qilgan Hosila, ayollar qurshovidagi Mahmud Namozov — Surxondaryodagi Navro‘zdan reportaj
Izoh (0)