O‘zbekona kelinsalom, yashil maydondagi polvonlar bahsi, keng daladagi shodiyona — Qashqadaryoda Navro‘z

Qashqadaryo viloyatidagi mavjud tuman va shaharlar, shuningdek, viloyat markazi Qarshi shahrida Navro‘z bayrami keng nishonlandi. “Daryo” viloyatdagi Navro‘z tantanalarini tasvirga oldi.

Qarshi tumanining Kerayt qishlog‘idagi kengliklarda bo‘lib o‘tgan Navro‘z bayramida avvaliga dorboz o‘yinlari namoyish etildi. So‘ngra chavandozlar uloq chopdi.

Viloyat bo‘ylab o‘tgan bayram tadbirlarida Mahmud Namozov, Nargiza Azimova, Shoira Otabekova, Alisher Fayz kabi san’atkorlar ishtirok etdi.

Qamashi tumanida bo‘lib o‘tgan Navro‘z bayramida polvonlar kurashi tashkil etilib, eng chaqqon polvon aniqlab olindi. Shuningdek, tumanda bayram munosabati bilan kam ta’minlangan oilalar farzandlarining xatna to‘yi o‘tkazib berildi.