Rossiya 16-mart kuni 117 mln dollarlik foiz to‘lovlarini investorlarga jo‘natishni buyurganini va bir asrdan ko‘proq vaqt ichida birinchi xalqaro defoltning oldini olishga urinayotganini aytdi. Bu haqda CNN xabar bermoqda.
Buning sababi mamlakat qarzni to‘lash uchun ishlatgan mablag‘lar Rossiyaning muzlatilgan xorijiy aktivlaridan kelib tushgan. Bu aktivlar Ukrainaga hujumi tufayli sanksiya qilingan edi. Shu sababdan investorlar pullarini oladimi yoki yo‘qmi noma’lumligicha qolmoqda.
Rossiya moliya vaziri Anton Siluanov Russia Today davlat matbuotiga bergan intervyusida mamlakat kreditorlar oldidagi majburiyatlarini bajarganini aytdi.
Ammo xorijiy valyutadagi majburiyatlarimizni bajarish imkoniyati bizga bog‘liq emas, dedi Siluanov agar Qo‘shma Shtatlar bunga ruxsat bermasa, to‘lov amalga oshirilmasligi mumkinligidan ogohlantirib.
Bizda pul bor, to‘lovni amalga oshirdik, endi hammasi Amerikaga bog‘liq, — deydi Rossiya moliya vaziri.G‘aznachilik vakilining aytishicha, Qo‘shma Shtatlar to‘lovlarni amalga oshirishga ruxsat beradi. Agar AQSH to‘lovni to‘sib qo‘ysa, Rossiya dollarda emas, rublda to‘lashga harakat qilishini aytdi. Ammo bu harakat defolt bo‘lishi mumkin, dedi Fitch Ratings seshanba kuni.
Ma’lumotlarga ko‘ra, sanksiyalar ortidan Rossiya umumiy qiymati 315 mlrd dollarlik o‘z mablag‘larining yarmida foydalana olmayapti. Agar Rossiya hukumati defolt bo‘lsa, investorlarning yo‘qotishlari ortib borishi mumkin.
G‘arb sarmoyadorlari Rossiyaga avvalgidan ko‘ra kamroq ta’sir ko‘rsatishni boshlaydi. 2014-yilda Qrim anneksiya qilinganidan keyin qo‘yilgan sanksiyalar ularni ta’sirini kamaytirgan edi. Ammo ma’lumotlarga ko‘ra, jahon banklari Rossiya subyektlaridan, taxminan, 121 mlrd dollar qarzdor.
JPMorgan hisob-kitoblariga ko‘ra, o‘tgan yil oxirida Rossiyaning 40 mlrd dollarga yaqin xorijiy valyutadagi qarzi bo‘lgan va uning yarmiga yaqini xorijiy investorlarga tegishli. Shunday qilib, defolt Rossiya uchun yomon oqibatlarga olib keladi. U o‘z majburiyatlarini deyarli foydasiz valyuta — rublda bajarishi kerak. Buning ortidan chet eldan moliyalashtirish imkoniyati yo‘qqa chiqadi. Ammo global bozorlar u qadar katta zarar ko‘rmasligi mumkin.
Tez orada ko‘proq to‘lovlar to‘lanadi. Aprel oyining boshiga rejalashtirilgan 2 mlrd dollardan kattaroq to'lov Moskva uchun bundan ham kattaroq bosh og‘rig‘ini keltirib chiqarishi mumkin.
Avvalroq Bloomberg Rossiyaning defolt bo‘lishi mumkin bo‘lgan uchta ssenariysini tahlil qilgan edi.
Izoh (0)